குற்றாலம் அருவிகளில் வெள்ளம் குறைந்தது

தென்காசி மாவட்டம், குற்றாலம் அருவிகளில் கடந்த சில தினங்களாக ஏற்பட்ட வெள்ளம் தணிந்தது.

குற்றாலம் பகுதியில் தொடா்ந்து 4 நாள்களாக பெய்த மழையால் பேரருவி, ஐந்தருவி, பழைய குற்றாலம் உள்ளிட்ட அனைத்து அருவிகளிலும் கடும் வெள்ளம் ஏற்பட்டது. இதையடுத்து, ஞாயிற்றுக்கிழமை (ஜன. 17) வரை குற்றாலம் அருவிகளில் சுற்றுலாப் பயணிகள் குளிக்கத் தடை விதிக்கப்பட்டது.

இதற்கிடையே, கடந்த 2 நாள்களாக குற்றாலம் பகுதியில் மழை இல்லாததால் அருவிகளில் ஏற்பட்ட வெள்ளப்பெருக்கு வெகுவாக குறைந்துள்ளது. ஆகவே, திங்கள்கிழமைமுதல் அருவிகளில் சுற்றுலாப் பயணிகள் குளிக்க அனுமதிக்கப்படலாம் என எதிா்பாா்க்கப்படுகிறது.