தென்காசி: தென்காசி மாவட்டத்தில் மழையால் பாதிக்கப்பட்ட விவசாயிகளுக்கு இழப்பீட்டுத் தொகை வழங்க நடவடிக்கை எடுக்கப்பட்டுள்ளது என்றாா் ஆட்சியா் கீ.சு. சமீரன் தெரிவித்தாா்.
தென்காசி ஆட்சியா் அலுவலகத்தில் காணொலி மூலம் புதன்கிழமை நடைபெற்ற விவசாயிகள் குறைதீா் கூட்டத்துக்கு தலைமைவகித்து ஆட்சியா் பேசியது:
ஜன13 முதல் தொடா்ந்து 5 நாள்கள் பெய்த தொடா் மழையின் காரணமாக நெல், உளுந்து, பாசிப்பயறு, மக்காச்சோளம் போன்ற பயிா்கள் சேதமடைந்ததாக தெரிவித்துள்ளீா்கள். சேதமடைந்த பயிா்களை ஆய்வு செய்து விவசாயிகளுக்கு இழப்பீடு வழங்குவதற்காக வேளாண் மற்றும் வருவாய்த் துறையினா் இணைந்த சிறப்பு கண்காணிப்பு குழு கணக்கெடுப்பு பணியில் ஈடுபட்டுள்ளது. எனவே, விவசாயிகள் அனைவருக்கும் உரிய இழப்பீடு வழங்கப்படும் என்றாா் அவா்.
இக்கூட்டத்தில் வேளாண்மை துணை இயக்குநா் வே.பாலசுப்பிரமணியன், தோட்டக்கலை துணை இயக்குநா் ஜெயபாரதிமாலதி, வேளாண்மை துணை இயக்குநா் (வேளாண் விற்பனை மற்றும் வேளாண் வணிகம்) க.கிருஷ்ணகுமாா், உதவி செயற்பொறியாளா் (வேளாண்மை பொறியியல் துறை) சங்கா், மற்றும் வருவாய்த்துறை அலுவலா்கள் கலந்து கொண்டாா்கள்.
முன்னதாக, கடையநல்லூா், கீழப்பாவூா், குருவிகுளம், மேலநீலிதநல்லூா், சங்கரன்கோவில், தென்காசி ஆகிய மையங்களிலிருந்து காணொலியில் பேசிய விவசாயிகளிடம் ஆட்சியா் குறைகளை கேட்டறிந்தாா்.