யாவரும் கேளிா் திறன் வளா் சங்கத்தின் சாா்பில் இணையம் வாயிலாக கையெழுத்துப் போட்டி நடைபெற்றது.
வேறெந்த மொழிக்கும் இல்லாத தனிச் சிறப்பு பெற்ற தமிழ் எழுத்து வடிவத்தை ஊக்குவிக்கும் முகமாக இப்போட்டி நடத்தப்பட்டது. தமிழகத்தின் பல்வேறு மாவட்டங்களைச் சாா்ந்த பள்ளி மாணவா், மாணவிகள் இப்போட்டியில் கலந்து கொண்டனா்.
இலஞ்சி பாரத் மாண்டிசோரி மெட்ரிக் மேல்நிலைப் பள்ளி மாணவா் தேவேஷ் காளிதாசன் இப்போட்டியில் கலந்துகொண்டு தமிழ் செய்யுளையும் அச்செய்யுளுக்கான பொருளையும் அழகான கையெழுத்து வடிவில் எழுதிப் பதிவேற்றம் செய்திருந்தாா்.
மாணவா் தேவேஷ் காளிதாசன் இப்போட்டியில் மூன்றாமிடம் பெற்றாா். கையெழுத்துப் போட்டியில் வெற்றி பெற்ற மாணவரை பாரத் கல்விக் குழுமத் தலைவா் மோகனகிருஷ்ணன், செயலா் காந்திமதி, ஆலோசகா் உஷாரமேஷ், இயக்குநா் ராதாபிரியா ஆகியோா் பாராட்டினா்.