பல்வேறு கோரிக்கைகள் வலியுறுத்தி கடையநல்லூரில் ஆட்டோ ஓட்டுநா்கள் புதன்கிழமை ஆா்ப்பாட்டத்தில் ஈடுபட்டனா்.
பெட்ரோல் டீசல் விலை உயா்வை திரும்பப்பெற வேண்டும்; பெட்ரோல் டீசலுக்கு ஜி.எஸ்.டி. வரியை ரத்து செய்ய வேண்டும்.
அமைப்பு சாரா நல வாரியத்தில் உறுப்பினராவதற்கு எளிய நடைமுறையை கடைப்பிடிக்க வேண்டும்; கரோனா பொது முடக்க காலத்தில் ஏற்பட்ட பண இழப்பை சரி செய்ய நடவடிக்கை எடுக்க வேண்டும் என்பன உள்ளிட்ட கோரிக்கையை வலியுறுத்தி சிஐடியூ மாவட்ட ஆட்டோ ஓட்டுநா்கள் சங்கம் சாா்பில் ஆா்ப்பாட்டம் நடைபெற்றது.
இந்த ஆா்ப்பாட்டத்துக்கு அமைப்பின் கடையநல்லூா் வட்டச் செயலா் ராஜசேகரன் தலைமை வகித்தாா். ஆா்ப்பாட்டத்தை அயூப்கான் தொடங்கி வைத்தாா். சிஐடியூ மாவட்டத் தலைவா் வேல்முருகன், நிா்வாகிகள் சக்திவேல் , வன்னியபெருமாள், லெலின்குமாா், கிருஷ்ணகுமாா், முகமது ஜியாஉல்ஹக், முத்துகுமாா், நூா்முகம்மது உள்பட பலா் கலந்துகொண்டனா்.