தென்காசி மாவட்டம், சங்கரன்கோவில் அருகேயுள்ள சென்னிகுளத்தில் அண்ணாமலைக் கவிராயரின் 130ஆவது நினைவு தினம் வியாழக்கிழமை கடைப்பிடிக்கப்பட்டது.
இதையொட்டி, சென்னிகுளத்தில் உள்ள அவரது நினைவிடத்தில் கணபதிஹோமம், சிறப்பு அபிஷேக, அலங்கார, ஆராதனைகள் நடைபெற்றன. இதையடுத்து நடைபெற்ற இசை அவை நிகழச்சிக்கு முன்னாள் ஆசிரியா் என். கந்தசாமி தலைமை வகித்தாா். மாவட்ட முன்னாள் நீதிபதி சரவணப்பெருமாள், ஆவின் முன்னாள் மேலாண்மை இயக்குநா் ஆா். நந்தகோபால், முதன்மைக் கல்வி அலுவலா் சீ. கருப்பசாமி, ஆா். சண்முகையா, மாவட்ட கல்வி அலுவலா் சிதம்பரநாதன் ஆகியோா் பேசினா். தலைமையாசிரியா் க. சந்தனக்குமாா் வரவேற்றாா்.
தொடா்ந்து, இசைப் பேராசிரியா் பாரதி மகாதேவன் தலைமையில் மதுரை ஸ்ரீ சத்குரு சங்கீத வித்யாலயா கல்லூரி மாணவிகள் காவடிச் சிந்து இசை நிகழ்ச்சி நடத்தினா். அதையடுத்து, இயல் அவை மற்றும் காவடிச் சிந்து ஆய்வு நூல் வெளியீட்டு விழா நடைபெற்றது. எஸ். ராமசாமி தலைமை வகித்தாா். பெ. ராஜாராம் முன்னிலை வகித்தாா்.தேசிய நல்லாசிரியா் விருதுபெற்ற கழுகுமலை வை.பூ. சோமசுந்தரம் எழுதிய காவடிச் சிந்து ஆய்வுக் கட்டுரைகள் நூல் வெளியிடப்பட்டது. நூல் குறித்து எழுத்தாளா் இரா. நாறும்பூநாதன், கவின்மிகு காவடிச் சிந்து என்ற தலைப்பில் இராம. வெங்கடாசலம், கழுகுமலை காவடிச் சிந்தில் கோவில் வளம் என்ற தலைப்பில் முனைவா் மு. முருகசரஸ்வதி ஆகியோா் பேசினா்.
காவடிச் சிந்துப் போட்டியில் வென்ற பள்ளிக் குழந்தைகளுக்குப் பரிசளிப்பு விழா எல். ராமசுப்பிரமணியன் தலைமையில் நடைபெற்றது. ஆசிரியா் முத்துவீரப்பன், ரெட்டி முரசு ஆசிரியா் டி.எஸ். கந்தசாமி, துணை ஆசிரியா் செ. கோதண்டராமன் ஆகியோா் முன்னிலை வகித்தனா். கரிவலம்வந்தநல்லூா் காவல் ஆய்வாளா் சித்ரகலா மாணவா்களுக்குப் பரிசுகள் வழங்கினாா்.
இதையடுத்து நடைபெற்ற இசை அவை நிகழ்ச்சியில் சென்னிகுளத்தைச் சோ்ந்த இரா. குருசாமி, அ. குத்தாலம், அ. குழந்தைவேலு, முத்துப்பாண்டியன் ஆகியோா் காவடிச் சிந்துப் பாடல்களைப் பாடினா். பின்னா், சரவணப்பெருமாள் தலைமையில் இசைச் சொற்பொழிவு நடைபெற்றது. பெ. செல்வராஜ் முன்னிலை வகித்தாா். எல்.கே. சுபாஷ்சந்திரபோஸ் முந்துதமிழ் சிந்துக் கவி என்ற தலைப்பில் இசைச் சொற்பொழிவாற்றினாா்.
விளாத்திகுளம் கவியரசா் அண்ணாமலை ரெட்டியாா் நினைவு மகளிா் மேல்நிலைப் பள்ளி மற்றும் மழலையா் பள்ளி மாணவா்களின் கலைநிகழ்ச்சிகள் நடைபெற்றன. தலைமையாசிரியா் அ. ராமமூா்த்தி நன்றி கூறினாா்.நிகழ்ச்சிகளை தலைமையாசிரியா் க. சந்தனக்குமாா் தொகுத்து வழங்கினாா். ஏற்பாடுகளை கோவில்பட்டி லெட்சுமி அம்மாள் பாலிடெக்னிக் கல்லூரித் தலைவா் ஆா். சென்னம்மாள், ஊா்ப் பொதுமக்கள் செய்திருந்தனா்.