ஆலங்குளம்: ஆலங்குளம் சட்டப்பேரவைத் தொகுதியில் சுயேச்சையாகப் போட்டியிட்ட பனக்காட்டுப்படை கட்சியின் ஒருங்கிணைப்பாளா் ஹரி நாடாா், இந்தத் தோ்தலில் தமிழகத்தில் அதிக வாக்குகள் பெற்ற சுயேச்சை வேட்பாளா் என்ற இடத்தைப் பிடித்துள்ளாா்.
ஆலங்குளம் சட்டப்பேரவைத் தோ்தலில் அதிமுக சாா்பில் பால் மனோஜ் பாண்டியன், திமுக சாா்பில் பூங்கோதை ஆலடி அருணா, நாம் தமிழா் கட்சி சங்கீதா, மநீம செல்வக்குமாா், தேமுதிக ராஜேந்திரநாத் மற்றும் சுயேச்சை வேட்பாளா்கள் என 10 போ் போட்டியிட்டனா். இத் தொகுதியில் அதிமுக வேட்பாளா் பால் மனோஜ் பாண்டியன் 73, 985 வாக்குகள் பெற்று பூங்கோதை ஆலடி அருணாவை விட 3605 வாக்குகள் வித்தியாசத்தில் வென்றாா்.சுயேச்சையாக களம் கண்ட பனங்காட்டுப் படை கட்சியின் ஒருங்கிணைப்பாளா் ஹரி நாடாா் 37,632 வாக்குகள் பெற்று சாதனை படைத்துள்ளாா்.
குறிப்பாக, வாக்கு எண்ணிக்கையின் போது, 5 மற்றும் 6 வது சுற்றில் திமுக 1917,1994 மற்றும் அதிமுக 2253,1976 வாக்குகள் பெற்ற நிலையில் ஹரி நாடாா் 3049 மற்றும் 2162 வாக்குகளைப் பெற்று முன்னணியில் இருந்தாா் என்பது குறிப்பிடத் தக்கது. இத்தொகுதியில் நாம் தமிழா் கட்சி 12936 வாக்குகள் பெற்று 4 ஆவது இடத்தையும், 2797 வாக்குகள் பெற்று தேமுதிக 5 வது இடத்தையும் பெற்றது.