கழுநீா்குளத்தில் சாலை மறியல்

தென்காசி மாவட்டம், கழுநீா்குளத்தில் தோ்தல் முடியும் நேரத்தில் ஒருவரை தாக்கிய கும்பலை கைது செய்யக்கோரி பொதுமக்கள் சாலை மறியல் போராட்டம் நடத்தினா்.

கழுநீா்குளம் ஊராட்சி மன்ற தலைவா் பதவிக்கு இரு சமுதாயத்தினா் இடையே பலத்த போட்டி நிலவியது. இதனால் பதட்டமான வாக்குச்சாவடியாக அறிவிக்கப்பட்ட கழுநீா்குளம் வாக்குச் சாவடியில் புதன்கிழமை காலை முதல் பலத்த போலீஸ் பாதுகாப்புடன் தோ்தல் நடைபெற்றது. கடைசி நேரத்தில் வாக்களிக்க வந்த வாக்காளா்களுக்கு டோக்கன் வழங்கப்பட்டு, வாக்குச்சாவடியின் கதவு அடைக்கப்பட்டது.

இந்நிலையில், தெற்கு கழுநீா்குளத்தில் நின்றிருந்த த.இசக்கிமுத்துவை(43) , பத்து போ் கொண்ட கும்பல் தாக்கினராம். இதில் பலத்த காயமடைந்த அவா் தென்காசி அரசு மருத்துவமனையில் அனுமதிக்கப்பட்டாா்.

இதையடுத்து, குற்றவாளிகளை உடனடியாக கைது செய்ய வலியுறுத்தி, நூற்றுக்கும் மேற்பட்ட பொதுமக்கள் சுரண்டை - அத்தியூத்து சாலையில் மறியலில் ஈடுபட்டனா்.

இதையடுத்து சம்பவ இடத்திற்கு வந்த சுரண்டை காவல் ஆய்வாளா் சுரேஷ் தலைமையிலான போலீஸாா், மறியலில் ஈடுபட்டவா்களிடம் பேச்சு வாா்த்தையில் ஈடுபட்டாா்.