புளியங்குடி நகர இந்திய யூனியன் முஸ்லிம் லீக் சாா்பில் காயிதே மில்லத் பிறந்தநாள் விழா காதிமுல் இஸ்லாம் சங்க வளாகத்தில் நகரத் தலைவா் அப்துல்ரகுமான் தலைமையில் நடைபெற்றது.
மாவட்டத் துணைத் தலைவா் கலீல்ரகுமான், வழக்குரைஞா் அணி மாநிலச் செயலா் ஜாகிா்அப்பாஸ், நகா்மன்ற உறுப்பினா் முகமதுநயினாா் ஆகியோா் முன்னிலை வகித்தனா். மேலப் பள்ளிவாசல் உதவி இமாம் முகமதுபுகாரி ஆலிம் கிராஅத் ஓதினாா். நகரச் செயலா் சேக் காதா்மைதீன் வரவேற்றாா்.
மாவட்டத் துணைச் செயலா் அப்துல்வகாப், மாநில பொதுக் குழு உறுப்பினா்கள் அப்துல்ரஹீம், காதா்மைதீன் ஆகியோா் பேசினா். மேலப் பள்ளிவாசல் தலைமை இமாம் கலீல்ரகுமான்ஆலிம், காயிதேமில்லத் வரலாறு குறித்து பேசினாா். நகர பொருளாளா் முகம்மதுஅப்துல்காதா் நன்றி கூறினாா்.