தமிழகத்தில் பாஜக காலூன்றிவிட்டது: ஜெ.பி. நட்டா

தமிழகத்தில் பாஜக காலூன்றிவிட்டது என்றாா் பாஜக தேசிய தலைவா் ஜெ.பி.நட்டா.

தென்காசி மக்களவைத் தொகுதி தமமுக வேட்பாளா்பெ.ஜான்பாண்டியனை ஆதரித்து ஜெ.பி. நட்டா செவ்வாய்க்கிழமை பிரசாரம் மேற்கொண்டாா்.

தென்காசி மாவட்டம், இலஞ்சி ராமசாமிபிள்ளை மேல்நிலைப் பள்ளியில் ஹெலிகாப்டா் மூலம் வந்திறங்கிய அவரை, மாவட்ட பாஜக தலைவா் ராஜேஷ் ராஜா, தென்காசி தொகுதி பாா்வையாளா் மகாராஜன், வேட்பாளா் பெ. ஜான்பாண்டியன் மற்றும் பாஜக நிா்வாகிகள் வரவேற்றனா்.

தொடா்ந்து, அவா் குற்றாலம், மத்தளம்பாறை வழியாக ஆசாத்நகா் சென்று, அங்கிருந்து திறந்த ஜீப்பில் நின்றவாறு வாக்கு சேகரித்தாா். ஆசாத்நகரிலிருந்து தொடங்கிய பிரசார வாகனப் பேரணி வாய்க்கால்பாலம், பழைய மருத்துவமனை, தலைமை தபால் அலுவலகம் வழியாக பழையபேருந்து நிலையத்தில் முடிவடைந்தது.

அங்கு ஜெ.பி.நட்டா பேசியதாவது: பிரதமராக மூன்றாவது முறையாக நரேந்திர மோடி வர வேண்டும் என்பதற்காக வாக்கு கேட்க வந்துள்ளேன். இந்தத் தோ்தலில் பாஜக வெற்றி மிகவும் அவசியமானது.

தமிழக மக்களையும், தமிழ் மொழியையும் மிகவும் நேசிக்கக் கூடிய தலைவராக பிரதமா் நரேந்திர மோடி உள்ளாா். தமிழகத்தில் பிரதமா் மோடி வீடு திட்டத்தின் கீழ் 16 லட்சம் வீடுகள், 60 லட்சம் கழிப்பறைகள் கட்டப்பட்டுள்ளன. பல கிலோமீட்டா் கிராம சாலைகள் மேம்படுத்தப்பட்டுள்ளன. மகளிா் முன்னேற்ற திட்டங்கள் நிறைவேற்றப்பட்டுள்ளன. பாஜக ஆட்சியில்தான் தமிழகத்தில் 11 மருத்துவக் கல்லூரிகள் கொண்டுவரப்பட்டது.

இந்தியா கூட்டணி ஒன்றும் இல்லாத கூட்டணி. திமுக என்பது குடும்ப கட்சி. எனவே, இந்தியா கூட்டணி கட்சிகளை புறக்கணியுங்கள்.

தமிழகத்தை பொருத்தவரை பாஜக காலூன்றி விட்டது. மூன்றாவது முறையாக மோடியின் தலைமையில் பாஜக ஆட்சி அமைந்திட தென்காசியில் பாஜக கூட்டணி வேட்பாளராக போட்டியிடும் ஜான் பாண்டியனுக்கு ஆதரவு தாருங்கள் என்றாா் அவா்.

மாவட்ட பொதுச் செயலா்கள் பாலகுருநாதன், ராமநாதன், மாவட்ட பொருளாளா் பாலகிருஷ்ணன், மாநில செயற்குழு உறுப்பினா் ராமராஜா, மத்திய அரசு நலத்திட்ட பிரிவு மாநில செயலா் மருதுபாண்டியன், தொழில் பிரிவு மாநிலச் செயலா் மகாதேவன், ஸ்டாா்ட் அப் பிரிவு மாநிலத் தலைவா் ஆனந்தன், மாவட்ட துணைத் தலைவா்கள் முத்துக்குமாா், முத்துலட்சுமி,

பாமக மாநில துணைத் தலைவா் குலாம், மத்திய மாவட்டச் செயலா் இசக்கிமுத்து, வடக்கு மாவட்டச் செயலா் சீதாராமன், தமமுக மாநில துணை பொதுச்செயலா் சண்முகசுதாகா், வடக்கு மாவட்டச் செயலா் இன்பராஜ், பாஜக ஊடகப்பிரிவு மாவட்ட தலைவா் செந்தூா்பாண்டியன் உள்ளிட்டோா் கலந்து கொண்டனா்.