மாவட்ட நுகர்வோர் விழிப்புணர்வு இயக்க கூட்டம் பாளையங்கோட்டையில் நடைபெற்றது.
இயக்கத் தலைவர் எஸ்.ஆர்.அனந்தராமன் தலைமை வகித்தார். பொருளாளர் அ.பாலசுப்பிரமணியன், இளங்கோ, சிற்பி பாமா ஆகியோர் முன்னிலை வகித்தனர். துணைத் தலைவர் வானுவாமலை வரவேற்றார்.
கூட்டத்தில், பல்வேறு நாடுகளின் வளர்ச்சி, இந்தியாவில் வெளிநாட்டு தொழில் நிறுவனங்கள் வரக்காரணம் உள்ளிட்டவை குறித்து இயக்கத் தலைவர் பேசினார்.
முறையற்ற வணிக நடைமுறை, நுகர்வோர் குறைதீர் மன்ற வழக்குகள், தீர்வுகள் உள்ளிட்டவை குறித்து பொதுச் செயலர் கணபதி சுப்பிரமணியம் பேசினார். கூட்டத்தில், ஐஐபிஇ பள்ளி இயக்குநர் தனலெட்சுமி, மாவட்ட மைய நூலகர் அ.முத்துகிருஷ்ணன் உள்ளிட்ட பலர் பங்கேற்றனர். துணைச் செயலர் சு.முத்துசாமி நன்றி கூறினார்.