களக்காடு சத்தியவாகீஸ்வரர் கோமதியம்மன் திருக்கோயில் வைகாசித் தேரோட்ட திருவிழா மே 9ஆம் தேதி கொடியேற்றத்துடன் தொடங்குகிறது. மே 17ஆம் தேதி தேரோட்டம் நடைபெறுகிறது.
இக்கோயில் வைகாசித் தேரோட்ட திருவிழா ஆண்டுதோறும் வெகு விமரிசையாக நடைபெறும். நிகழாண்டு வியாழக்கிழமை (மே 9) காலை 6 மணிக்கு கொடியேற்றத்துடன் தொடங்குகிறது. விழா நாள்களில் சுவாமி-அம்பாள் வீதியுலா நடைபெறும்.
ஒவ்வொரு நாளும் ஒவ்வொரு சமுதாயத்தினர் சார்பில் மண்டகப்படி நடைபெறும். 8ஆம் திருநாளான வியாழக்கிழமை(மே 16) பகல் 2 மணிக்கு நடராஜர் பச்சை சாத்தி எழுந்தருளல் நடைபெறும். விழாவின் முக்கிய நிகழ்வான தேரோட்டம் வெள்ளிக்கிழமை (மே 17) மாலை 5 மணிக்கு நடைபெறும். ஏற்பாடுகளை விழாக் குழுவினர் செய்து வருகின்றனர்.