திருநெல்வேலியில் கொலை முயற்சி வழக்கில் கைதான இரு இளைஞா்கள், தாங்கள் ஏற்கெனவே ஒரு பெண்ணைக் கொன்று புதைத்ததாக அளித்த தகவலின்பேரில் ஒரு கோயில் வளாகத்தில் சடலத்தைத் தேடும் பணி வியாழக்கிழமை நடைபெற்றது. அங்கு கிடைத்த எலும்புகள் சேகரிக்கப்பட்டு ஆய்வுக்காக அனுப்பி வைக்கப்பட்டுள்ளன.
திருநெல்வேலி நகரம் செபஸ்தியாா் கோயில் தெருவைச் சோ்ந்த கண்ணன் மகன் மணிகண்டன் (26), ராமையன்பட்டியைச் சோ்ந்த கருப்பன் மகன் ஆசீா்செல்வம் (32). ஆட்டோ ஓட்டுநா்களான இருவரையும், ஒரு கொலை முயற்சி வழக்கு தொடா்பாக திருநெல்வேலி நகரம் போலீஸாா் கடந்த 5-ஆம் தேதி கைது செய்தனா். அப்போது அவா்களிடம் நடத்திய விசாரணையில் தங்களது நண்பரான சேரன்மகாதேவி அருகேயுள்ள சக்திகுளத்தைச் சோ்ந்த சிவக்குமாா் என்ற சிவாவுடன் (36) சோ்ந்து ஒரு பெண்ணை கடந்த 2013-ஆம் ஆண்டு கொலை செய்து திருநெல்வேலியில் புதைத்ததாகத் தெரிவித்தனா். ஆனால், புதைக்கப்பட்ட இடம் தச்சநல்லூா் காவல் நிலைய எல்லைக்குள் வந்ததையடுத்து வழக்கு தச்சநல்லூா் காவல் நிலையத்துக்கு மாற்றப்பட்டது.
இதன்பின்பு மும்பையில் வசித்து வந்த சிவாவிடம் போலீஸாா் விசாரித்தனா். அவா், கொலை நிகழ்ந்ததை ஒப்புக்கொண்டதோடு, கொலையான பெண்ணின் பெயா் உள்ளிட்ட விவரங்களை முன்னுக்குப் பின் முரணாக கூறியுள்ளாா். இருப்பினும், சடலத்தை திருநெல்வேலி நகரம்-தச்சநல்லூா் சாலையில் திருநெல்வேலி கால்வாய் அருகேயுள்ள வாசுடையாா் சாஸ்தா கோயில் வளாகத்தில் 2013-ஆம் ஆண்டு புதைத்ததாகத் தெரிவித்தாராம். இதையடுத்து, அந்த இடத்தில் சடலத்தை தோண்டி எடுக்க போலீஸாா் முடிவு செய்தனா்.
அதன்படி, பிடிபட்ட இளைஞா்களை வியாழக்கிழமை காலையில் போலீஸாா் சம்பவ இடத்துக்கு அழைத்துச் சென்று அடையாளம் காட்டச் செய்தனா். அவா்கள் அடையாளம் காட்டிய இடத்தில், திருநெல்வேலி வட்டாட்சியா் எஸ்.சுப்பிரமணியம், சந்திப்பு காவல் உதவி ஆணையா் சதீஷ்குமாா் முன்னிலையில் குழி தோண்டப்பட்டது. சம்பவ இடத்திலேயே பிரேத பரிசோதனை செய்யவும், உடலின் பாகங்களை மீட்டு டி.என்.ஏ. சோதனைக்கு அனுப்பவும் திருநெல்வேலி அரசு மருத்துவக் கல்லூரிப் பேராசிரியா் செல்வமுருகன் தலைமையிலான குழுவினா் வந்திருந்தனா். தச்சநல்லூா் காவல் ஆய்வாளா் வனசுந்தா், வருவாய் ஆய்வாளா் அருணாசலம், கிராம நிா்வாக அலுவலா் முத்துசெல்வி உள்ளிட்டோரும் உடனிருந்தனா்.
5 அடி வரை தோண்டிய நிலையில் பலத்த மழை பெய்ததாலும், கால்வாயில் இருந்து கசிந்ததாலும் குழிக்குள் தண்ணீா் தேங்கியது. ஆனால், சடலம் இருந்ததற்கான அறிகுறியோ, எலும்புகளோ கிடைக்கவில்லை. தோண்டப்பட்ட குழி மூடப்பட்டது. பின்னா், ஜெ.சி.பி. வாகனம் வரவழைக்கப்பட்டு கோயில் வளாகத்தில் 3 இடங்களில் தோண்டும் பணி நடைபெற்றது. சுமாா் 6 மணி நேரம் தோண்டிய பின்பு சில மனித எலும்புகள் கிடைத்தன. அதனை மருத்துவக் குழுவினரும், தடயவியல் நிபுணா்களும் சேகரித்தனா்.
இதுகுறித்து மருத்துவ வட்டாரங்கள் கூறுகையில், புதைக்கப்பட்டது ஆணா, பெண்ணா என்பதை மனித எலும்புகளை ஆய்வு செய்து கண்டறிய முடியும். இதுதவிர டிஎன்ஏ சோதனை செய்து அதற்கான ஆய்வறிக்கையும் அளிக்கப்படும். உயிரிழந்தவா்களின் உறவினா்கள் புகாா் தெரிவிக்க முன்வரும்போது பரிசோதனை அறிக்கைகளை ஒப்பிட்டுப் பாா்த்து அறிந்து வழக்கை முடிக்க ஏதுவாக அமையும். ஆகவே, இங்கு கிடைக்கப்பெற்றுள்ள எலும்புகள் மதுரையில் உள்ள ஆய்வகத்துக்கு காவல்துறையின் உதவியோடு அனுப்பி வைக்கப்பட உள்ளன என்றனா். இதுகுறித்து போலீஸாா் தொடா்ந்து விசாரணை நடத்தி வருகிறாா்கள்.
முரணான தகவலால் குழப்பம்!
இதுகுறித்து போலீஸ் வட்டாரங்கள் கூறுகையில், பெண்ணை கொலை செய்ததாகக் கூறப்படும் சிவக்குமாா் என்ற சிவா ஏற்கெனவே திருமணமான நிலையில், திருநெல்வேலி அருகே ராமையன்பட்டியில் சில மாதங்கள் வசித்துள்ளாா். அப்போது திருநெல்வேலி சந்திப்புக்கு தினமும் வந்த ரெட்டியாா்பட்டியைச் சோ்ந்த புஷ்பா என்ற பீடித் தொழிலாளியுடன் பழக்கம் ஏற்பட்டதாம். கணவரைப் பிரிந்து வசித்து வந்த அவரை திருப்பதி உள்ளிட்ட நகரங்களுக்கு அழைத்துச் சென்ாகவும், அதன்பின்பு ஏற்பட்ட தகராறில் கொன்று புதைத்துவிட்டு, மும்பை தப்பிச் சென்று அங்கு வேறு ஒரு பெண்ணை மூன்றாவதாக திருமணம் செய்து குடும்பம் நடத்தி வந்ததாகவும் விசாரணையில் தெரியவந்துள்ளது.
ஆனால், புஷ்பா என்ற பெயரில் 2013-ஆம் ஆண்டில் ரெட்டியாா்பட்டி பகுதியில் எந்தப் பெண்ணும் மாயமாகவில்லை என்பது தெரியவந்துள்ளது. முன்னுக்குப் பின் முரணான தகவல்களை இளைஞா்கள் அளிப்பதால் வழக்கு விசாரணையில் தொய்வு ஏற்பட்டுள்ளது. இப்போது கிடைத்துள்ள எலும்புகளை ஆய்வுக்கு உள்படுத்தும்போது அதில் இருந்து சில தகவல்கள் கிடைக்க வாய்ப்புள்ளன. அதனைக் கொண்டு விசாரணை மேலும் துரிதப்படுத்தப்படும் என்றனா்.