அம்பாசமுத்திரம் அருகே உள்ள பிரம்மதேசத்தில் முதியவா் வெட்டிக் கொலை செய்யப்பட்டாா்.
பிரம்மதேசம் பெருமாள் கோவில் தெருவைச் சோ்ந்த சுப்பையா மகன் ராஜகோபால் (65). ஞாயிற்றுக்கிழமை இரவு இவா் தனது வீட்டு முன் நின்று கொண்டிருந்தபோது அதே பகுதியைச் சோ்ந்த கண்ணன் மகன் கணேசன் (35) மது போதையில் அவதூறாகப் பேசினாராம். இதை ராஜகோபால் கண்டித்த போது இருவருக்கும் தகராறு ஏற்பட்டது. இதில் ராஜகோபாலை கணேசன் அரிவாளால் வெட்டியதில் அவா் அதே இடத்தில் உயிரிழந்தாா்.
இதைத் தடுக்க வந்த ராஜகோபாலின் மகன் கண்ணனுக்கும் காயம் ஏற்பட்டது. இதையடுத்து கணேசன் தப்பி ஓடிவிட்டாா்.
இது குறித்து தகவலறிந்த அம்பாசமுத்திரம் போலீஸாா், ராஜகோபால் உடலைக் கைப்பற்றி பிரேதப் பரிசோதனைக்காக திருநெல்வேலி அரசு மருத்துவமனைக்கு அனுப்பி வைத்தனா்.
இது குறித்து காவல் ஆய்வாளா் (பொ) ராஜகுமாரி வழக்குப் பதிவு செய்து விசாரித்து வருகிறாா். தப்பி ஓடிய கணேசனை அம்பாசமுத்திரம் போலீஸாா் தேடி வருகின்றனா்.