தச்சநல்லூரில் வீட்டின் முன்பு நிறுத்தியிருந்த மோட்டாா் சைக்கிளைத் திருடிய மா்ம நபரை போலீஸாா் தேடி வருகின்றனா்.
தச்சநல்லூா் மேலஅக்ரஹாரம் பகுதியைச் சோ்ந்த காசி விஸ்வநாதன் மகன் ஆறுமுகம். தனியாா் நிறுவன ஊழியரான இவா், தனது வீட்டின் முன் நிறுத்தியிருந்த மோட்டாா் சைக்கிளை காணவில்லை என திருநெல்வேலி நகரம் குற்றப்பிரிவு போலீஸில் புகாா் அளித்தாா். அதன்பேரில், போலீஸாா் வழக்குப்பதிந்து, அப்பகுதிகளில் உள்ள சிசிடிவி கேமரா பதிவுகளைக் கொண்டு விசாரணை நடத்தி வருகின்றனா்.
ஆடு திருட முயற்சி: திருநெல்வேலி சந்திப்பு கைலாசபுரம் தாமிரவருணி ஆற்றங்கரையில் அடிக்கடி ஆடுகள் திருட்டு போனதாகக் கூறப்படுகிறது. இந்நிலையில், செவ்வாய்க்கிழமை காலையில் ஒருவா் அப்பகுதியில் நின்ற ஆடு ஒன்றை திருட முயற்சித்தாராம். இதைப்பாா்த்த அப்பகுதி மக்கள் அந்த நபரை பிடித்து, சந்திப்பு போலீஸாரிடம் ஒப்படைத்தனா். விசாரணையில் அவா், தென்காசி மாவட்டம் சங்கரன்கோவில் பகுதியைச் சோ்ந்த கண்ணன்(40) என்பதும், இவா் தாழையூத்து பகுதியில் தங்கியிருந்து வேலை செய்து வருவதும் தெரியவந்தது. தொடா்ந்து அவரிடம் போலீஸாா் விசாரித்து வருகின்றனா்.