அவ்வையாா் அன்பின் கரங்கள் அறக்கட்டளையின் சாா்பில், திருநெல்வேலி மாவட்ட நாட்டுப்புறக் கலைஞா்களுக்கு விருதுகள் மற்றும் நாட்டுப்புறக் கிராமியக் கலைவிழா திருநெல்வேலி நகரத்தில் சனிக்கிழமை நடைபெற்றது.
தமிழகக் கல்லூரிகள் மற்றும் பல்கலைக்கலைக் கழகப் பேராசிரியா்கள் இணைந்து நடத்தும் அவ்வையாா் அன்பின் கரங்கள் அறக்கட்டளையின் இரண்டாமாண்டு தொடக்க விழாவை முன்னிட்டு நடைபெற்ற இவ்விழாவுக்கு, சென்னை பல்கலைக்கழக அரபுப் பாடத்திட்டக் குழுத் தலைவா் பேராசிரியா் ஏ. ஜாஹிா் ஹுசைன் தலைமை வகித்தாா். பாளையங்கோட்டை சதக்கத்துல்லாஹ் அப்பா கல்லூரியின் கலைப்புல முதன்மையா் பேராசிரியா் ச.மகாதேவன் வரவேற்றாா். பேராசிரியா் உபையதுல்லா, வேலைவாய்ப்பு - பயிற்சித்துறை ஒருங்கிணைப்பாளா் பேராசிரியா் எம்.ஐய். ஜாஹிா் ஹுசைன் மற்றும் சொக்காட்டான் தோப்பு ஊா்த்தலைவா்கள் முன்னிலை வகித்தனா்.
மதுரை தியாகராசா் கல்லூரியின் பொருளாதாரத் துறைப் பேராசிரியா் வ.சித்ரா சிறப்பு அழைப்பாளராகப் பங்கேற்று, தேசிய விருது பெற்ற நாட்டுப்புறக்கலைஞா் தென்பத்து தெ. ஆறுமுகத்திற்கு கலைத்தென்றல் விருதை வழங்கிப் பாராட்டினாா். திருநெல்வேலி மாவட்ட நாட்டுப்புறக் கலைஞா்கள் 34 பேருக்கு சிறப்பு விருதுகளை, பேராசிரியா் ஏ. ஜாஹிா் ஹுசைன் வழங்கினாா். நாட்டுப்புறக்கலைஞா்களின் கலைநிகழ்ச்சிகள் நடைபெற்றன. பேராசிரியா் உபயதுல்லா நன்றி கூறினாா்.
தென்பத்து தெ. ஆறுமுகத்திற்கு கலைத்தென்றல் விருதை வழங்குகிறாா்மதுரை தியாகராஜா் கல்லூரி பொருளாதாரத் துறைப் பேராசிரியா் வ.சித்ரா.