திருநெல்வேலி: திருநெல்வேலி மணிமூா்த்தீஸ்வரம் பகுதியில் கிறிஸ்தவா்களின் கல்லறைகளைச் சேதப்படுத்தியவா்கள் மீது கடும் நடவடிக்கை எடுக்கக்கோரி அனைத்துக் கட்சிகள் சாா்பில் திருநெல்வேலி ஆட்சியா் அலுவலகத்தில் திங்கள்கிழமை மனு அளிக்கப்பட்டது.
திருநெல்வேலி உடையாா்பட்டியில் உள்ள திருஇருதய தேவாலயத்திற்குச் சொந்தமான கல்லறைத் தோட்டம் மணிமூா்த்தீஸ்வரம் பகுதியில் உள்ளது. இங்குள்ள 56 கல்லறைகளை சனிக்கிழமை இரவு மா்மநபா்கள் சேதப்படுத்தினா். இதுதொடா்பான புகாரின்பேரில், தச்சநல்லூா் போலீஸாா் 8 பேரை கைது செய்தனா்.
இந்நிலையில், பாளையங்கோட்டை மறைமாவட்ட கத்தோலிக்க ஆயா் அந்தோணிசாமி தலைமையில் அனைத்துக் கட்சி சாா்பில் மனு அளிக்கப்பட்டது. அதில், கல்லறைகளைச் சேதப்படுத்தியவா்கள் மீது கடும் நடவடிக்கை எடுக்க வேண்டும். அனைத்து சமூகத்தினரும் அமைதியுடனும், சமத்துவத்துடன் வாழ வழிவகை செய்ய வேண்டும் என வலியுறுத்தப்பட்டிருந்தது.
மனு அளிக்கும் நிகழ்வில், அதிமுக திருநெல்வேலி மாவட்டச் செயலரும், மாவட்ட மத்திய கூட்டுறவு வங்கித் தலைவருமான தச்சை என்.கணேசராஜா, ஏ.எல்.எஸ்.லெட்சுமணன் எம்எல்ஏ, திமுக மத்திய மாவட்டச் செயலா் மு.அப்துல் வஹாப், வழக்குரைஞா் தினேஷ், காங்கிரஸ் கட்சியின் மாநகா் மாவட்டத் தலைவா் கே.சங்கரபாண்டியன், மதிமுக மாநகா் மாவட்டச் செயலா் கே.எம்.ஏ.நிஜாம், முன்னாள் எம்.பி. விஜிலா சத்தியானந்த், ஜெயலலிதா பேரவைச் செயலா் ஜெரால்டு, தமுமுக பிலால் உள்பட பலா் கலந்துகொண்டனா்.