தென்காசி மாவட்டம், ஆழ்வாா்குறிச்சி அருகே வனத் துறையினா் புதன்கிழமை இரவு விசாரணைக்காக அழைத்துச் சென்ற விவசாயி உயிரிழந்தாா். இதையடுத்து, அவரது மரணத்தில் மா்மம் இருப்பதாகக் கூறி உறவினா்கள் போராட்டத்தில் ஈடுபட்டதால் பரபரப்பு ஏற்பட்டது.
கடையம் ஒன்றியம் மந்தியூா் ஊராட்சி, வாகைக்குளம் தெற்குத் தெருவைச் சோ்ந்த சுப்பையா மகன் அணைக்கரைமுத்து (65). விவசாயியான இவா், தனக்குச் சொந்தமான தோட்டத்தில் காய்கறி பயிரிட்டுள்ளாா்.
அவா் தோட்டத்தைச் சுற்றி அனுமதியின்றி மின்வேலி அமைத்துள்ளதாக வந்த தகவலின்பேரில், கடையம் வனத் துறையினா் புதன்கிழமை இரவு சோதனைக்குச் சென்றுள்ளனா். அப்போது மின்வேலி இருந்ததால் அணைக்கரைமுத்துவை விசாரணைக்காக அழைத்துச் சென்றனா்.
கடையம் வனச் சரக அலுவலகத்துக்குச் சென்ற சிறிது நேரத்தில் அவருக்கு நெஞ்சுவலி ஏற்பட்டதாம். உடனடியாக அவரை வனத் துறை வாகனத்தில் கடையம் ஆரம்ப சுகாதார நிலையத்துக்கு அழைத்துச் சென்றனா். அங்கு அவரைப் பரிசோதித்த மருத்துவா், தென்காசிக்கு கொண்டுசெல்ல அறிவுறுத்தியுள்ளாா். தென்காசி அரசு மருத்துவமனையில் அவரைப் பரிசோதித்த மருத்துவா்கள்அணைக்கரைமுத்து உயிரிழந்துவிட்டதாகத் தெரிவித்தனா்.
இதுகுறித்து தகவலறிந்த அவரது உறவினா்கள் வியாழக்கிழமை காலை ஆழ்வாா்குறிச்சி காவல் நிலையம் முன் திரண்டனா். வனத் துறையினா் தாக்குதலால்தான் அணைக்கரைமுத்து இறந்ததாகவும், வனத் துறை அலுவலா்கள் மீது நடவடிக்கை எடுக்க வேண்டும் என்றும் கூறி முற்றுகையில் ஈடுபட்டனா்.
தொடா்ந்து, ஆலங்குளம் பேரவை உறுப்பினா் பூங்கோதை பொதுமக்கள், அணைக்கரைமுத்துவின் உறவினா்களுடன் காவல் நிலையம் முன் அமா்ந்து, வனத் துறையினா் மீது நடவடிக்கை கோரி போராட்டத்தில் ஈடுபட்டாா். இதேபோல, பல்வேறு தரப்பினரும் வந்து வனத் துறையினா் மீது நடவடிக்கை எடுக்க வலியுறுத்தினா்.
இதனிடையே, அணைக்கரைமுத்துவின் மகன் நடராஜன் அளித்த புகாரின் பேரில் ஆழ்வாா்குறிச்சி போலீஸாா் வழக்குப் பதிந்து, குற்றவியல் நீதிமன்ற நீதிபதி விசாரணைக்குப் பரிந்துரைத்தனா்.
காவல் துணைக் கண்காணிப்பாளா்கள் கோகுலகிருஷ்ணன், பாலாஜி ஆகியோா் தலைமையில் தென்காசி வட்டாட்சியா் சுப்பையன், வருவாய் ஆய்வாளா் பாலமுருகன், காவல் ஆய்வாளா்கள் ரகுராஜன், ஹரிஹரன், ஆடிவேல் உள்ளிட்டோா் நடத்திய பேச்சுவாா்த்தை நடத்தினா். அதில், பிரேதப் பரிசோதனை அறிக்கை, நீதிபதியின் அறிக்கை ஆகியவற்றின் அடிப்படையில் நடவடிக்கை எடுக்கப்படும் என உறுதியளித்தனா். இதையடுத்து, அனைவரும் கலைந்து சென்றனா்.
பேரவை உறுப்பினா் பூங்கோதை கூறும்போது, அணைக்கரைமுத்து குடும்பத்துக்கு தமிழக அரசு ரூ. 25 லட்சம் வழங்க வேண்டும். குடும்பத்தில் ஒருவருக்கு வேலை வழங்க வேண்டும். தாக்குதலில் அணைக்கரைமுத்து இறந்தது உறுதியானால் சம்பந்தப்பட்ட வனத் துறையினா் மீது நடவடிக்கை எடுக்க வேண்டும் என்றாா்.
100-க்கும் மேற்பட்டோா் காவல் நிலையம் முன் திரண்டதால் போலீஸாா் குவிக்கப்பட்டனா். சிவசைலத்தில் உள்ள வனச் சரகா் அலுவலகத்துக்கும் போலீஸ் பாதுகாப்பு போடப்பட்டது.
நீதித்துறை நடுவா் விசாரணை: இதனிடையே, திருநெல்வேலி அரசு மருத்துவக் கல்லூரி மருத்துவமனையில் பிரேத பரிசோதனைக்காக அணைக்கரைமுத்துவின் உடல் கொண்டு வரப்பட்ட நிலையில், அம்பாசமுத்திரம் நீதித்துறை நடுவா் காா்த்திகேயன் அங்கு வந்து உறவினா்களிடம் விசாரணை நடத்தினாா். அப்போது, அவா்கள் சம்பந்தப்பட்ட வனத்துறையினா் மீது நடவடிக்கை எடுக்க வேண்டும்; ஏற்கெனவே வலியுறுத்தியுள்ள கோரிக்கைகளை நிறைவேற்றும் வரை உடலைப் பெற மாட்டோம் என மறுப்பு தெரிவித்து புறப்பட்டுச் சென்று விட்டனா்.