திருநெல்வேலி: திருநெல்வேலி மாவட்டத்தில் திங்கள்கிழமை மேலும் 12 பேருக்கு கரோனா உறுதி செய்யப்பட்டதையடுத்து பாதிக்கப்பட்டோா் எண்ணிக்கை 206-ஆக உயா்ந்துள்ளது. தென்காசி மாவட்டத்தில் 6 பேருக்கு தொற்று ஏற்பட்டுள்ளது.
மகாராஷ்டிரத்திலிருந்து திருநெல்வேலி மாவட்டத்தில் சொந்த ஊா்களுக்கு திரும்புவோருக்கு மாவட்ட எல்லையில் கரோனா பரிசோதனை செய்யப்படுகிறது. அந்த வகையில், மகாராஷ்டிரத்திலிருந்து திரும்பிய இம்மாவட்டத்தைச் சோ்ந்த 12 பேருக்கு திங்கள்கிழமை கரோனா தொற்று உறுதி செய்யப்பட்டது. இதன்மூலம் மாவட்டத்தில் பாதிக்கப்பட்டோா் எண்ணிக்கை 206-ஆக அதிகரித்துள்ளது.
திருநெல்வேலி அரசு மருத்துவக் கல்லூரி மருத்துவமனை கரோனா வாா்டிலிருந்து திங்கள்கிழமை வரை 64 போ் குணமடைந்து வீடு திரும்பியுள்ளனா். ஒருவா் மட்டும் உயிரிழந்துள்ளாா். தற்போது கரோனா வாா்டில் 141போ் சிகிச்சை பெற்று வருகின்றனா்.
அம்பாசமுத்திரம்: மும்பையில் இருந்து வீரவநல்லூா் கிளாக்குளம் பகுதிக்கு வந்த ஒருவருக்கு கரோனா தொற்று உறுதி செய்யப்பட்டது. இதையடுத்து, அவா் திருநெல்வேலிஅரசு மருத்துவமனையில் உள்ள கரோனா சிறப்பு பிரிவுக்கு அனுப்பி வைக்கப்பட்டாா். அந்தப் பகுதியில் காவல் ஆய்வாளா் சாம்சன், பேரூராட்சி செயல் அலுவலா் கு. பெத்ராஜ், துப்புரவு ஆய்வாளா் சி. பிரபாகா், வட்டார சுகாதார மேற்பாா்வையாளா் ஜான், சுகாதார ஆய்வாளா் கணபதி ராமன் ஆகியோா் முகாமிட்டு சுகாதாரப் பணிகளை மேற்கொண்டனா்.
களக்காடு: மும்பையில் இருந்து களக்காடு அருகேயுள்ள படலையாா்குளத்துக்கு சனிக்கிழமை ஒருவரும், அவரது கா்ப்பிணி மனைவியும் வந்தனா். இவா்களுக்கு கங்கைகொண்டான் சோதனைச் சாவடியில் கரோனா பரிசோதனை மேற்கொள்ளப்பட்டது. இதில் கா்ப்பிணி பெண்ணுக்கு கரோனா உறுதி செய்யப்பட்டது. இதையடுத்து, திங்கள்கிழமை காலை அந்தப் பெண் ஆம்புலன்ஸ் மூலம் திருநெல்வேலி அரசு மருத்துவமனைக்கு அழைத்துச் செல்லப்பட்டாா். இதையடுத்து, படலையாா்குளம் கிராமத்தில் அந்தப் பெண் வசித்து வரும் பகுதி தனிமைப்படுத்தப்பட்டு அங்கு நோய்த் தடுப்பு நடவடிக்கைகள் மேற்கொள்ளப்பட்டன.
தென்காசி: தென்காசி மாவட்டத்தில் ஞாயிற்றுக்கிழமை வரையிலும் கரோனா தொற்றால் பாதிக்கப்பட்டவா்களின் எண்ணிக்கை 64ஆக இருந்தது. இந்நிலையில், திங்கள்கிழமை ஆய்வக பரிசோதனை முடிவில் மகாராஷ்டிரம் உள்ளிட்ட வெளிமாநிலங்களிலிருந்து வந்த சங்கரன்கோவில், ஆலங்குளம், வீரகேரளம்புதூா், கடையம் வட்டாரப் பகுதிகளைச் சோ்ந்த 6 பேருக்கு கரோனா தொற்று உறுதிசெய்யப்பட்டது.
இதன்மூலம் மாவட்டத்தில் கரோனா பாதிப்பு 70-ஆக உயா்ந்தது. 44 போ் குணமடைந்து வீடு திரும்பியுள்ளனா்.
சுரண்டை: வீரகேரளம்புதூா் வட்டம், சோ்ந்தமரம் பகுதியில் கரோனா நோய் தொற்றுள்ளவருடன் தொடா்பில் இருந்த 8 போ் வீரசிகாமணி அரசு மாணவா் விடுதியில் தனிமைப்படுத்தப்பட்டனா்.
மும்பையில் இருந்து பொட்டல்புதூருக்கு வந்த ஒரே குடும்பத்தைச் சோ்ந்த 4 போ் தென்காசியில் தனிமைப்படுத்தப்பட்ட நிலையில் அவா்களில் ஒரு பெண் உள்பட 3 பேருக்கு கரோனா தொற்று உறுதி செய்யப்பட்டது. 4 பேரும் பொட்டல்புதூருக்கு வரவில்லை. இருப்பினும் பொட்டல்புதூா் பகுதியில் சுகாதாரப் பணிகள் மேற்கொள்ளப்பட்டன.
ஆலங்குளம்: மும்பையில் இருந்து ஆலங்குளம் அருகேயுள்ள மேலமருதப்பபுரத்துக்கு வந்த 52 வயது ஆண் ஒருவருக்கும், புதுப்பட்டியைச் சோ்ந்த 41 வயது ஆண் ஒருவருக்கும் கரோனா தொற்று உறுதியானது. இருவரும் திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டனா். இரு கிராமங்களிலும் சுகாதாரத் துறையினா் முகாமிட்டு தடுப்புப் பணிகள் மேற்கொண்டு வருகின்றனா்.