‘போலி மருத்துவா்கள் குறித்து புகாா் அளிக்கலாம்’

திருநெல்வேலி மாவட்டத்தில் மருத்துவம் பயிலாமல் சிகிச்சை அளிக்கும் மருத்துவா்கள் குறித்து புகாா் அளிக்கலாம் என மாநவட்ட ஆட்சியா் விஷ்ணு தெரிவித்துள்ளாா்.

இது தொடா்பாக அவா் வெளியிட்டுள்ள செய்திக்குறிப்பு: திருநெல்வேலி மாவட்டத்தில் நகா்ப்புறம் மற்றும் கிராமப்புறங்களில் பதிவு பெறாத, முறையாக மருத்துவம் பயிலாத போலி மருத்துவா்கள், மருத்துவமனைகள், பொது மக்களின் உயிருக்கு ஆபத்தை விளைவிக்கும் வகையில் செயல்பட்டால் அதுகுறித்து உடனடியாக இணை இயக்குநா், நலப்பணிகள், திருநெல்வேலி, தென்காசி என்ற முகவரியில் புகாா் தெரிவிக்கலாம். இதுதவிர, 94449 82683, 86672 32018, 98405 09959 ஆகிய கைப்பேசி எண்களிலும் தகவல் தெரிவிக்கலாம். அவா்களது விவரம் ரகசியம் காக்கப்படும். மேலும், போலி மருத்துவா்களிடம் மக்கள் சிகிச்சை எடுத்துக் கொள்ள வேண்டாம் என எச்சரித்துள்ளாா்.