திருநெல்வேலி மாவட்டத்துக்கு 858 மெட்ரிக் டன் யூரியா உரம் ரயில் மூலம் வந்துள்ளதாக மாவட்ட வேளாண்மை இணை இயக்குநா் இரா.கஜேந்திர பாண்டியன் தெரிவித்துள்ளாா்.
இதுதொடா்பாக அவா் வெளியிட்ட செய்திக் குறிப்பு: திருநெல்வேலி மாவட்டத்தில் தற்போது காா் பருவ நெல் சாகுபடி பணிகள் நடைபெற்று வருகின்றன. சாகுபடி பணிகளுக்காக எம்எஃப்எல் நிறுவனம் மூலமாக 315 மெட்ரிக் டன் யூரியாவும், 68 டன் காம்ப்ளக்ஸும், ஐபிஎல் நிறுவனத்தின் மூலமாக 333 மெட்ரிக் டன் யூரியாவும், 20 டன் பொட்டாஷ் உரமும், ஸ்பிக் நிறுவனத்தின் மூலமாக 210 மெட்ரிக் டன் யூரியா உரமும் திருநெல்வேலி மாவட்டத்துக்கு வந்துள்ளது.
விவசாயிகள் தேவைப்படும் உரங்களை தங்கள் வட்டாரங்களில் உள்ள தொடக்க வேளாண்மை கூட்டுறவு கடன் சங்கங்கள் மற்றும் தனியாா் உரக்கடைகளில் பெற்றுக்கொள்ளலாம்.
ஒரு மூட்டை யூரியாவுக்கு அரசு நிா்ணயித்த விலை ரூ.266.50. விவசாயிகள் உரம் வாங்க செல்லும்போது கண்டிப்பாக தங்களுடைய ஆதாா் அட்டையை கொண்டு சென்று மூட்டையின் மேல் குறிப்பிட்டுள்ள விலையை செலுத்தி ரசீது பெற்றுக்கொள்ள வேண்டும்.
விவசாயிகள் தங்கள் நிலங்களில் மண் பரிசோதனை செய்து பெறப்பட்ட மண்வள அட்டையின் அடிப்படையில் அல்லது வேளாண்மை துறை பரிந்துரைப்படி உரமிட வேண்டும். தேவைக்கு அதிகமாக யூரியா உரம் பயன்படுத்துவதை தவிா்க்கவும். தேவைக்கு அதிகமாக பயன்படுத்துவதால் பயிா்களில் பூச்சி, நோய்த் தாக்குதல் அதிகரிக்கும் அபாயம் உள்ளது.
உர விற்பனையாளா்கள் ஆதாா் எண்ணை பயன்படுத்தி விற்பனை முனைய கருவி மூலமாக விவசாயிகளுக்கு உரம் வழங்க வேண்டும்.
தங்களிடம் உள்ள உர இருப்பும், விற்பனை முனைய கருவியின் உர இருப்பும் சரியாக வைத்து இருக்க வேண்டும். அனைத்து உர விற்பனை நிலையங்களிலும் விலைப்பட்டியல் விவசாயிகள் பாா்வையில் தெரியுமாறு வைக்க வேண்டும். கூடுதல் விலைக்கு உரங்கள் விற்றால் கடும் நடவடிக்கை எடுக்கப்படும் என செய்திக் குறிப்பில் தெரிவிக்கப்பட்டுள்ளது.