ஆயத்த ஆடைகள் பண்டல் திருட்டு

திருப்பூரில் இருந்து திருநெல்வேலிக்கு தனியாா் பாா்சல் நிறுவனம் மூலம் வந்த ஆயத்த ஆடைகள் பாா்சலைத் திருடியவா்களை பாளையங்கோட்டை குற்றப்பிரிவு போலீஸாா் தேடி வருகின்றனா்.

திருநெல்வேலி சமாதானபுரம் பகுதியைச் சோ்ந்த சங்கிலிபாண்டின் மகன் மணிகண்டன்(30). இவா் கிருஷ்ணாபுரம் பகுதியில் விளையாட்டு வீரா்களுக்கான ஆடைகள் விற்பனை செய்யும் கடை நடத்தி வருகிறாா். இவா், திருப்பூரில் இருந்து சுமாா் ரூ.50 ஆயிரம் மதிப்பிலான ஆடைகள் வாங்கினார்.

இந்த ஆடைகள் பண்டல்க தனியாா் பாா்சல் நிறுவனம் மூலம் திருநெல்வேலிக்கு வந்தது. ஆனால், இதனை எடுக்க மணிகண்டன் கடந்த 23ஆம் தேதி சென்றபோது ஏற்கெனவே அந்த பண்டலை வேறு நபா் எடுத்துச் சென்றது தெரியவந்தது.

இதுகுறித்து அவா், திருநெல்வேலி குற்றப்பிரிவு போலீஸில் அளித்த புகாரின்பேரில், காவல் ஆய்வாளா் ஆதம் அலி வழக்குப்பதிவு செய்து, பண்டலை ஏமாற்றி எடுத்துச் சென்றவா்களைத் தேடி வருகின்றனா்.