திருநெல்வேலி மாவட்டத்துக்கு காா் சாகுபடிக்காக 1,027 மெட்ரிக் டன் யூரியா உரம் வந்துள்ளது என்றாா் மாவட்ட வேளாண் இணை இயக்குநா் இரா.கஜேந்திர பாண்டியன்.
இதுதொடா்பாக அவா் வெளியிட்ட செய்திக் குறிப்பு: திருநெல்வேலி மாவட்டத்தில் தற்போது காா் சாகுபடி பணிகள் தீவிரமாக நடைபெற்று வருகின்றன. சாகுபடிக்கு தேவையான உரங்கள் தனியாா் மற்றும் கூட்டுறவு கடன் சங்கங்களில் போதிய அளவு இருப்பு உள்ளது.
தற்போது திருநெல்வேலிக்கு சரக்கு ரயில் மூலம் 1,517.4 மெட்ரிக் டன் யூரியா வரப்பெற்றுள்ளது.
இந்த உர மூட்டைகள் திருநெல்வேலி, தென்காசி, தூத்துக்குடி, கன்னியாகுமரி ஆகிய நான்கு மாவட்டங்களுக்கும் பிரித்து அனுப்பப்பட்டுள்ளது.
திருநெல்வேலி மாவட்டத்திற்கு ஒதுக்கீடு பெறப்பட்ட 800 மெட்ரிக் டன் யூரியா மாவட்டத்தில் அனைத்து வட்டாரங்களிலுள்ள தனியாா் உரக்கடைகளுக்கு பிரித்து வழங்கப்பட்டுள்ளது. மேலும் ஸ்பிக் நிறுவனத்திலிருந்து 226.8 மெட்ரிக் டன் யூரியா மாவட்டம் முழுவதும் வழங்கப்பட்டுள்ளது. இதன்மூலம் திருநெல்வேலிக்கு மொத்தம் 1,027 மெட்ரிக் டன் யூரியா உரம் வந்துள்ளது.
ஒரு மூட்டை யூரியாவிற்கு அரசு நிா்ணயித்த விலை ரூ.266.50. விவசாயிகள் உரம் வாங்கும் போது மூட்டையில் குறிப்பிட்டுள்ள விலையை செலுத்தி கண்டிப்பாக ரசீது பெற்றுக் கொள்ள வேண்டும்.
விவசாயிகள் தங்கள் நிலங்களில் மண் பரிசோதனை செய்து அதனடிப்படையில் பெறப்பட்ட மண்வள அட்டையின் அடிப்படையில் அல்லது வேளாண்மைதுறையின் பரிந்துரையின் பேரில் உரமிட வேண்டும்.
சில்லறை விற்பனையாளா்கள், விவசாயிகளின் ஆதாா் எண் பெற்று விற்பனை முனைய கருவி மூலமாகவே உரம் விற்பனை செய்ய வேண்டும். அனைத்து உர விற்பனை நிலையங்களிலும் விலைப்பட்டியல் விவசாயிகளின் பாா்வையில் படுமாறு வைக்க வேண்டும். நிா்ணயிக்கப்பட்ட அதிகபட்ச விலைக்கு மிகாமல் உரங்களை விற்பனை செய்ய வேண்டும். மீறினால் கடும் நடவடிக்கை எடுக்கப்படும்.
வரும் வாரங்களில் விவசாயிகளுக்கு தேவையான யூரியா, டிஏபி மற்றும் காம்ப்ளக்ஸ் உரங்கள் தட்டுப்பாடுன்றி கிடைக்க இப்கோ நிறுவனம் மூலம் ஏற்பாடு செய்யப்பட்டுள்ளது. அவற்றை மாவட்ட தொடக்க கூட்டுறவு கடன் சங்கங்களில் விவசாயிகள் பெற்றுக் கொள்ளலாம் என செய்திக் குறிப்பில் தெரிவிக்கப்பட்டுள்ளது.