‘ஆதரவற்றோருக்கு வீடு தேடி சென்று காவல் துறை உதவி’

திருநெல்வேலி மாநகர பகுதியில் முதியோா், ஆதரவற்றோருக்கு காவல் துறையினா் வீடு தேடி சென்று உதவிகள் செய்து வருகின்றனா்.

திருநெல்வேலி மாநகர காவல் சாா்பில் வோ்களைத் தேடி திட்டத்தின்கீழ் நலஉதவிகள் வழங்கும் நிகழ்ச்சியை வியாழக்கிழமை தொடங்கி வைத்த பின்பு அவா் கூறியது: திருநெல்வேலி மாநகர காவல் ஆணையா் பிரவீண்குமாா்அபிநபு உத்தரவின்பேரில், செயல்படுத்தப்பட்டு வரும் வோ்களைத் தேடி திட்டத்தின் கீழ் உதவிகள் செய்ய நடவடிக்கை எடுக்கப்பட்டுள்ளது.

இத் திட்டத்தின்கீழ் மாநகரில் 8 காவல் நிலையங்களுக்கு உள்பட்ட பகுதிகளில் வசிக்கும் முதியோா், ஆதரவற்றோா் ஆகியோரை வீடுகளுக்கு நேரில் தேடி சென்று உதவிகள் செய்யப்பட்டு வருகின்றன. உதவிகள் தேவைப்படுவோா் மாநகர காவல் கட்டுப்பாட்டு அறையினை 0462-2562651 என்ற தொலைபேசி எண், 94981 81200 என்ற செல்லிடப்பேசி எண்ணிலும் தொடா்புகொள்ளலாம்.

கரோனா பொது முடக்கத்தில் மாநகர காவல் சாா்பில் 23 இடங்களில் தற்காலிக சோதனைச் சாவடிகள் அமைத்து கண்காணிக்கப்பட்டு வருகின்றன. விதிகளை மீறியதாக இதுவரை 220 வாகனங்கள் பறிமுதல் செய்யப்பட்டு, வழக்குகளும் பதிவு செய்யப்பட்டுள்ளன. மக்கள் அரசின் உத்தரவுக்கு ஒத்துழைப்பு அளிக்க வேண்டும். திருநெல்வேலி மாநகரில் கரோனா நோயாளிகள் இல்லை என்ற நிலையை உருவாக்க காவல்துறை சாா்பிலும் பங்களிப்பை அளித்து வருகிறது என்றாா் அவா். அப்போது, காவல் துணை ஆணையா் (குற்றம்-போக்குவரத்து) மகேஷ்குமாா் உள்பட பலா் கலந்து கொண்டனா்.