திருநெல்வேலியில் டாஸ்மாக் ஊழியா்கள் செவ்வாய்க்கிழமை ஆா்ப்பாட்டத்தில் ஈடுபட்டனா்.
திருநெல்வேலி- தென்காசி டாஸ்மாக் அனைத்து தொழிற்சங்க கூட்டமைப்பின் சாா்பில், திருநெல்வேலி அருகே முன்னீா்பள்ளத்தில் உள்ள மாவட்ட மேலாளா் அலுவலகம் முன் நடைபெற்ற இப் போராட்டத்துக்கு, தமிழக அரசு டாஸ்மாக் பணியாளா் சங்க மாநிலத் தலைவா் அ.உ.பாலுச்சாமி தலைமை வகித்தாா்.
காஞ்சிபுரம் மாவட்டத்தில் டாஸ்மாக் ஊழியா் கொலை செய்யப்பட்டதற்கு கண்டனம் தெரிவிப்பது; டாஸ்மாக் பணியாளா்களுக்கு முழு பாதுகாப்பு வழங்க வேண்டும்; உயிரிழந்த டாஸ்மாக் ஊழியரின் குடும்பத்திற்கு நிதியுதவியும், குடும்பத்தில் ஒருவருக்கு அரசுப் பணியும் வழங்க வேண்டும் என்பன உள்ளிட்ட கோரிக்கைகள் ஆா்ப்பாட்டத்தில் வலியுறுத்தப்பட்டன.
இதில், திருநெல்வேலி மாவட்டத் தலைவா் ஜெய்கணேஷ், செயலா் பாா்த்தீபன், ஏஐடியூசி தொழிற்சங்கத்தின் சாஸ்தா, விற்பனையாளா் சங்கத்தின் முத்துசெல்வன், சாமி, அண்ணா தொழிற்சங்க நிா்வாகி ஆனந்த், தொமுச சரவணன் உள்பட பலா் கலந்துகொண்டனா்.