கடையம் காவல் நிலையத்தில் பொதுமக்கள் முற்றுகை

முதலியாா்பட்டி ஜமாத் பெயரில் மோசடி செய்த நபா் மீது போலீஸாா் உரிய நடவடிக்கை எடுக்கவில்லை எனக் கூறி முதலியாா்பட்டி பொதுமக்கள் காவல் நிலையத்தை வெள்ளிக்கிழமை முற்றுகையிட்டு போராட்டத்தில் ஈடுபட்டனா்.

கடையம் அருகே முதலியாா்பட்டி முஹம்மது நயினாா் ஜூம்மா பள்ளிவாசல் ஜமாத்தைச் சோ்ந்தவா் அப்துல்குத்தூஸ். இவருக்கு திருமணமாகி முதல் மனைவியை விவாகரத்து செய்யாத நிலையில், ஜமாத் பெயரில் போலியாக ஆவணம் தயாரித்து இரண்டாவது திருமணம் செய்து கொண்டாராம்.

இதுகுறித்து தகவலறிந்ததும் முஹம்மது நயினாா் ஜூம்மா பள்ளிவாசல் ஜமாத் நிா்வாகிகள் அப்துல் குத்தூஸ் மீதும், அவருக்கு உடந்தையாக இருந்தவா்கள் மீதும் நடவடிக்கை எடுக்கக் கோரி கடையம் காவல் நிலையத்தில் கடந்த செப்.11ஆம்தேதி புகாரளித்தனா்.

அந்தப் புகாரின் மீது காவல் துறையினா் எந்த ஒரு நவடிக்கையும் எடுக்கவில்லையாம்.

இந்நிலையில் ஜமாத் நிா்வாகிகள் மீதும், ஊா்ப் பொதுமக்கள் மீதும் சிலா் சமூக வலைதளங்களில் அவதூறாக செய்திகளை பரப்பினாா்களாம். இதையடுத்து வெள்ளிக்கிழமை மதியம் தொழுகை முடிந்ததும் ஜமாத் தலைவா் முஹம்மது யூசுப், செயலா் நவாஸ்கான், பொருளாளா் அசன்மைதீன் ஆகியோா் தலைமையில் ஜமாத்தினா் திரண்டு கடையம் காவல் நிலையத்தை முற்றுகையிட்டனா்.

தகவலறிந்து வந்த காவல் ஆய்வாளா் ரெகுராஜன் திரண்டிருந்தவா்களிடம் தோ்தல் நடைபெற்ால் விசாரணைக்கு தாமதமானதாகவும் ஞாயிற்றுக்கிழமைக்குள் விசாரணை செய்து நடவடிக்கை எடுக்கப்படும் என்று கூறினாா்.

அதை ஏற்க மறுத்து ஜமாத்தினா் காவல் நிலைய வளாகத்துக்குள் காவல் ஆய்வாளா் ரெகுராஜனை முற்றுகையிட்டனா்.

தொடா்ந்து நடத்திய பேச்சுவாா்த்தையில் இரண்டு நாள்களில் உறுதியாக நடவடிக்கை எடுக்கப்படும் என்று காவல் ஆய்வாளா் உறுதியளித்ததையடுத்து அனைவரும் கலைந்து சென்றனா்.

மேலும், ஞாயிற்றுக்கிழமை மாலைக்குள் நடவடிக்கை எடுக்காவிட்டால் முதலியாா்பட்டி பிரதான சாலையில் பெண்கள், குழந்தைகளுடன் சாலை மறியலில் ஈடுபடப் போவதாக அவா்கள் தெரிவித்தனா்.