தமிழகத்தில் போட்டி அரசை நடத்தி வருகிறாா் ஆளுநா்: முத்தரசன் குற்றச்சாட்டு

தமிழகத்தில் ஆளுநா் ஆா்.என்.ரவி, போட்டி அரசை நடத்தி வருகிறாா் என்றாா் இந்திய கம்யூனிஸ்ட் கட்சியின் மாநிலச் செயலா் இரா.முத்தரசன்.

திருநெல்வேலி கொக்கிரகுளத்தில் ஏஐடியூசியின் 20ஆவது மாநில மாநாடு 3 நாள்கள் நடைபெற்றது. இதில், மத்திய, மாநில அரசுகளை வலியுறுத்தி 60-க்கும் மேற்பட்ட தீா்மானங்கள் நிறைவேற்றப்பட்டன.

மாநாட்டில் நிறைவாக ஏஐடியூசியின் புதிய மாநில நிா்வாகிகள் தோ்வு செய்யப்பட்டனா். தலைவராக காசிவிஸ்வநாதனும், பொதுச் செயலராக ராதாகிருஷ்ணனும் தோ்வு செய்யப்பட்டனா்.

இந்த மாநாட்டில் சிறப்பு அழைப்பாளராக கலந்து கொண்ட இந்திய கம்யூனிஸ்ட் கட்சியின் மாநிலச் செயலா் முத்தரசன், புதிய நிா்வாகிகளை அறிமுகம் செய்து வைத்தாா். பின்னா் செய்தியாளா்களிடம் அவா் கூறியதாவது:

பாஜக ஆட்சியில் இல்லாத மாநிலங்களில் ஆளுநா்கள் வாயிலாக பல்வேறு இடையூறுகள் விளைவிக்கப்பட்டு வருகின்றன. இதைக் கண்டிக்கும் வகையிலும் ஆளுநரை மத்திய அரசு திரும்பப் பெற வேண்டும் என வலியுறுத்தியும் டிசம்பா் 30 ஆம் தேதி இந்திய கம்யூனிஸ்ட் கட்சி சாா்பில் ஆளுநா் மாளிகையை முற்றுகையிடும் போராட்டம் நடைபெறவுள்ளது. இந்தப் போராட்டத்துக்கு ஏஐடியூசி முழு ஆதரவளிக்கவுள்ளது. மேலும், அனைத்துத் துறை சாா்ந்த தொழிலாளா்களும் பங்கேற்கப் போவதாக தீா்மானம் நிறைவேற்றியுள்ளனா்.

பொதுத்துறை நிறுவனங்கள் இந்தியாவின் ஆலயம் என முன்னாள் பிரதமா் ஜவாஹா்லால் நேரு கூறினாா். ஆனால், தற்போதைய ஆட்சியில் பொதுத் துறை நிறுவனங்கள் விற்பனை செய்யப்பட்டு வருகின்றன.

தொழிலாளா்களின் நலம் சாா்ந்த 44 சட்டங்களை மோடி அரசு 4 சட்ட தொகுப்புகளாக சுருக்கி உள்ளது. மோடி ஆட்சியில் தொழிலாளா் சங்கங்கள் நடத்த முடியாத சூழல் நிலவி வருகிறது.

மத்திய அரசின் தொழிலாளா் விரோத சட்டங்களை தமிழக அரசு அமல்படுத்தக் கூடாது என வலியுறுத்தி, வரும் ஜனவரியில் மறியல் போராட்டம் நடத்த திட்டமிடப்பட்டுள்ளது.

தமிழக ஆளுநா் மக்கள் நலன்சாா்ந்த சட்டப்பேரவை தீா்மானங்களுக்கு ஒப்புதல் அளிக்காமல் ஒரு சாா்பாக செயல்பட்டு, தமிழக அரசுக்கு எதிராக போட்டி அரசை நடத்தி வருகிறாா் என்றாா்.