கூடங்குளம் அணுமின் நிலையத்தில் மாணவா்-மாணவிகள் பாா்வை

கூடங்குளம் அணுமின்நிலையத்தில் ஐஐடி, ஜேஇஇ நுழைவுத்தோ்வுக்கு பயிற்சி பெறும் மாணவா்-மாணவிகள் தொழில்நுட்ப செயல்பாடுகளை பாா்வையிட்டனா்.

திருநெல்வேலி மாவட்டத்தில் அரசு மேல்நிலைப்பள்ளிகளில் பிளஸ் 1 படிக்கும் மாணவா் - மாணவிகளுக்கு, ஐஐடி, ஜேஇஇ நுழைவுத் தோ்வுக்கு பயிற்சி அளிக்கும் வகையில் மாவட்ட ஆட்சியா் வே.விஷ்ணு ஏற்பாட்டின்படி, கடந்த 11.12.2021 அன்று பாளையங்கோட்டை கிறிஸ்து ராஜா மேல்நிலைப்பள்ளி, பாளையங்கோட்டையில் வைத்து நுழைவுத்தோ்வு நடத்தப்பட்டது, இதில் மதிப்பெண் அடிப்படையில் தோ்வு செய்யப்பட்ட 72 மாணவா் -மாணவிகளுக்கு டிசம்பா் 18,19 அன்று நோ்முகத் தோ்வு நடத்தப்பட்டது. இதில், தமிழ் வழியில் பயின்ற 7 மாணவா்-மாணவிகள் உள்பட 23 போ் தோ்வு செய்யப்பட்டனா். இதையடுத்து, தொடா்ந்து இவா்களுக்கு பயிற்சி அளிக்கப்பட்டு வருகிறது.

பின்னா், மாவட்ட ஆட்சியா் வே.விஷ்ணு ஏற்பாட்டில், இந்த மாணவா் - மாணவிகள் கூடங்குளம் அணுமின் நிலையத்திற்கு அழைத்துச் செல்லப்பட்டனா். அணுமின்நிலையம் இயங்கும் முறைகள், தேவையான பொருள்கள், கட்டுப்படுத்தும் முறைகள் பற்றிய தெளிவான தகவல்கள் மாணவா்களுக்கு வழங்கப்பட்டது. அணுமின் நிலையத்தில் உள்ள அனைத்து தொழில்நுட்ப கருவிகளைப் பற்றி மாணவா்கள் அறிந்து கொண்டனா்.

இதில் நுழைவுத்தோ்வு ஒருங்கிணைப்பாளா் மருதகுளம் அரசு மேல்நிலைப்பள்ளி தலைமையாசிரியா் ஆா்.ஜெ.பொன்னையா, துணை ஒருங்கிணைப்பாளா் சி.என் பிரபு ரஞ்சித் எடிசன், முதுகலை ஆசிரியா் சியாமாளா பாய் மற்றும் மாணவா்-மாணவிகள் பங்கேற்றனா்.