திருநெல்வேலி மாவட்ட நிா்வாகம் சாா்பில் பாளையங்கோட்டை ஆயுதப்படை மைதானத்தில் குடியரசு தின விழா புதன்கிழமை (ஜன.26) கோலாகலமாகக் கொண்டாடப்பட உள்ளது. இதையொட்டி மாவட்டம் முழுவதும் பாதுகாப்பு அதிகரிக்கப்பட்டுள்ளது.
திருநெல்வேலி மாவட்ட நிா்வாகம் சாா்பில் பாளையங்கோட்டையில் உள்ள ஆயுதப்படை மைதானத்தில் நடைபெறும் குடியரசு தின விழாவில் காலை 8.10 மணிக்கு ஆட்சியா் வே.விஷ்ணு தேசியக்கொடியேற்றி காவல் துறையின் அணிவகுப்பு மரியாதையை ஏற்றுக் கொள்கிறாா். தொடா்ந்து, நலத்திட்ட உதவிகளையும் வழங்குகிறாா். மாவட்ட காவல் கண்காணிப்பாளா் ப.சரவணன், மாநகர காவல் ஆணையா் அ.த. துரைக்குமாா் உள்ளிட்ட அதிகாரிகள் பங்கேற்க உள்ளனா். இதேபோல திருநெல்வேலி மாநகராட்சி அலுவலகத்தில் ஆணையா் பா.விஷ்ணுசந்திரன் காலை 7.30 மணிக்கு தேசியக்கொடியேற்ற உள்ளாா்.
குடியரசு தினத்தையொட்டி, மாவட்டம் முழுவதும் செவ்வாய்க்கிழமை பாதுகாப்பு அதிகரிக்கப்பட்டது. பேருந்து நிலையங்கள், வழிபாட்டுத்தலங்கள் உள்ளிட்டவற்றில் கண்காணிப்புக்கு கூடுதலாக போலீஸாா் நியமிக்கப்பட்டிருந்தனா். திருநெல்வேலி சந்திப்பு ரயில் நிலையம், புதிய பேருந்து நிலையத்தில் பயணிகளின் உடமைகளை போலீஸாா் சோதனை செய்தனா். இதுதவிர மாவட்டம் முழுவதும் வாகன சோதனையும் தீவிரப்படுத்தப்பட்டது.