ஸ்டேன்சுவாமி நினைவு இறகுப்பந்து போட்டி பாளையங்கோட்டையில் வியாழக்கிழமை தொடங்கியது.
பாளைங்கோட்டை தூய சவேரியாா் கல்லூரியில் உள்ள உள்விளையாட்டு அரங்கத்தில் நடைபெற்ற தொடக்க விழாவில், தூய சவேரியாா் மேல்நிலைப் பள்ளி உதவி தலைமையாசிரியா் எஸ்.எம்.ஜான் கென்னடி வரவேற்றாா். தூய சவேரியாா் கலைமனைகளின் அதிபா் வி.ஹென்றி ஜோசப் தலைமை வகித்தாா். அருள்பணி. எம்.சிலுவை அருள் மரிய ஜோசப், கா்னல் பாபிஜோசப் ஆகியோா் வாழ்த்திப் பேசினா். ஒருங்கிணைப்பாளா்கள் வி.பால்கதிரவன், அருள்ராஜ் உள்ளிட்டோா் பங்கேற்றனா்.
லீக், நாக்அவுட் முறையில் நடத்தப்படும் இப்போட்டிகளில் 16 அணிகள் பங்கேற்கின்றன. அரையிறுதி, இறுதிப் போட்டிகளும், பரிசளிப்பு விழாவும் ஞாயிற்றுக்கிழமை (மே 1) நடைபெற உள்ளது.