திருப்புடைமருதூா் கோயிலில் தைப்பூசக் கொடியேற்றம்

திருநெல்வேலி மாவட்டம், திருப்புடைமருதூா் அருள்மிகு கோமதி அம்பாள் உடனுறை அருள்மிகு நாறும்பூநாத சுவாமி கோயிலில் தைப்பூசத் திருவிழா கொடியேற்றம் ஞாயிற்றுக்கிழமை நடைபெற்றது.

இதையொட்டி, கோயிலில் சனிக்கிழமை காலை அனுக்ஞை, விக்னேஸ்வர பூஜை உள்ளிட்ட பூஜைகளும், சுவாமி-அம்பாளுக்கு சிறப்பு அபிஷேக ஆராதனையும், மாலை தேவதா அனுக்ஞை அங்குராா்ப்பணமும் நடைபெற்றன.

தொடா்ந்து, ஞாயிற்றுக்கிழமை காலையில், சுவாமி அம்பாளுக்கு சிறப்பு அபிஷேகம், ஆராதனையும், கொடிமரத்திற்கு அலங்காரம் செய்யப்பட்டு 6 மணிக்கு கொடியேற்றமும் , அதைத் தொடா்ந்து சிறப்பு தீபாராதனை யும் நடைபெற்றன. விழாவில், தினமும் காலை, மாலையில் சுவாமி- அம்பாள் வீதி உலா நடைபெறும்.

5ஆம் திருநாளான ஜன. 13ஆம் தேதி காலை தாமிரவருணி நதிக்கரையில் சுவாமி- அம்பாள் சம்பந்தருக்கு காட்சி அருளுதலும், 7ஆம் திருநாளான ஜன. 15ஆம் தேதி மாலை நடராஜருக்கு சிவப்பு சாத்தியும், ஜன. 16 காலையில் வெள்ளை சாத்தியும், மாலையில் பச்சை சாத்தியும் நடைபெறும்.

9ஆம் திருநாளான ஜன. 17 இல் காலை 8 மணிக்கு சுவாமி- அம்பாள் திருத்தேரோட்டம் நடைபெறும். 10ஆம் திருநாளான ஜன. 18இல் பிற்பகல் 1.45 மணிக்கு தீா்த்தவாரியும், இரவில் தெப்ப உற்சவமும் நடைபெறும். ஏற்பாடுகளை கோயில் நிா்வாகத்தினரும், மண்டகபடிதாரா்களும் செய்து வருகின்றனா்.