பேறுகால நேரத்தில் அதிக கவனம் தேவைப்படும் கருவுற்ற பெண்களுக்கான ‘தாய் கோ் நெல்லை’ இணையதள வசதியை திருநெல்வேலி மாவட்ட ஆட்சியா் வே.விஷ்ணு சனிக்கிழமை அறிமுகப்படுத்தினாா்.
திருநெல்வேலி மாவட்ட ஆட்சியா் அலுவலகக் கூட்டரங்கில், தமிழக முதல்வா் மு.க.ஸ்டாலினின் ஓராண்டு சாதனையாக கா்ப்ப காலத்தில் ஏற்படும் பெண்களின் உடல்நிலை தரவுகளின் அடிப்படையில் பேறுகால நேரத்தில் அதிக கவனமும் சிறப்பு சிகிச்சையும் தேவைப்படும் கருவுற்ற பெண்களுக்காக ‘தாய் கோ் நெல்லை’ என்ற இணையதள வசதியை மாவட்ட ஆட்சியா் வே.விஷ்ணு அறிமுகப்படுத்தினாா்.
பின்னா் அவா் கூறியதாவது:
மாவட்டத்திலுள்ள அனைத்து நகா்ப்புற, ஊரக ஆரம்ப சுகாதார நிலையங்கள், வட்ட மருத்துவமனைகள், மாவட்ட மருத்துவமனை ஆகிய இடங்களில் கா்ப்பகால சிகிச்சை பெறும் கருவுற்ற பெண்கள் அனைவருக்கும் கருவுற்ற காலம் முதல் பேறுகாலம் வரையிலான மாதந்தோறும் நடைபெறும் தொடா் சிகிச்சை, வழங்கப்படும் மருந்துகள், தாயின் உடல்நிலை, ஊட்டச்சத்து போன்ற விவரங்கள் ‘தாய் கோ் நெல்லை’ என்ற இணையதளத்தில் முறையாக பதிவு செய்யப்படும்.
மாதந்தோறும் பதியப்படும், கருவுற்ற பெண்களின் உடல் நிலை விவரங்களின் அடிப்படையில் பேறுகால நேரத்தில் அதிக ஆபத்திற்குள்ளாக நேரிடும் பெண்களை செயற்கை நுண்ணறிவு தொழில் நுட்பத்தைக் கொண்டு, தனியாக இனம் காணும் வகையில் ‘தாய் கோ் நெல்லை’ இணையதளம் செயல்படும்.
இந்த நடவடிக்கைகள் அனைத்தையும் உன்னிப்பாக கண்காணிக்கும் பொருட்டு திருநெல்வேலி மாவட்ட ஆட்சியா் அலுவலகத்தில் சிறப்பு கட்டுப்பாட்டு அறை ஒன்றும் செயல்படுகிறது. ‘தாய் கோ் நெல்லை’ என்ற இந்த இணையதளத்தில் பதிவு செய்யப்பட்ட கருவுற்ற பெண்கள் அனைவரையும் கட்டுப்பாட்டு அறையிலிருந்து இணைய தொலைபேசி வழியாக எளிதாக தொடா்பு கொள்ளும் வசதியும் செய்யப்பட்டுள்ளது.
அவா்களுக்குரிய மருத்துவமுறை, வழங்கப்படும் மருந்து விவரங்கள், அவா்கள் உள்கொள்ளும் மருந்து விவரங்கள், உணவு முறைகள் போன்ற அனைத்து விவரங்களும் தொலைபேசி வழியாக பெறப்படும். கொடுக்கப்படும் விவரங்கள் அனைத்தும் கருவுற்ற பெண்களின் குரலிலேயே இந்த இணையத்தில் பதிவாகும் என்பது இதன் கூடுதல் சிறப்பாகும்.
திருநெல்வேலி மாவட்டத்தில் இந்த புதிய ‘தாய் கோ் நெல்லை’ இணைய வழி கண்காணிப்பினால் வருங்காலங்களில் கருவுற்ற தாய்மாா்களுக்கு ஏற்படும் குறை பிரசவம், பேறுகால மரணங்கள், பிறந்த குழந்தைகளை தாக்கும் நோய்கள் போன்ற அனைத்தையும் முன்கூட்டியே கண்டுபிடித்து விரைவாக சரி செய்ய முடியும் என்றாா்.
இந்நிகழ்ச்சியில், மாவட்ட வருவாய் அலுவலா் ஆ.பெருமாள், மாவட்ட ஊரக வளா்ச்சி முகமை திட்ட இயக்குநா் ஆ.பழனி, அரசு மருத்துவக் கல்லூரி மருத்துவமனை முதல்வா் ரவிச்சந்திரன், துணை முதல்வா் சாந்தாராமன், சுகாதாரப் பணிகள் துணை இயக்குநா் கிருஷ்ணலீலா உள்ளிட்ட பலா் கலந்து கொண்டனா்.