வள்ளியூா் அருகேயுள்ள நம்பிபத்து கிராமத்தில் ரூ.50.40 லட்சம் மதிப்பில் தாா்ச் சாலைப் பணி திங்கள்கிழமை தொடங்கியது.
நம்பிபத்து கிராம மக்களின் கோரிக்கையை ஏற்று, அவ்வூரின் விலக்குப் பகுதி வரை 183 மீ. தொலைவுக்கு தாா்ச் சாலை அமைப்பதற்கு திருநெல்வேலி மக்களவைத் தொகுதி உறுப்பினா் சா. ஞானதிரவியம் மேற்கொண்ட முயற்சியால், ஊரக சாலை மேம்பாட்டுத்திட்டத்தின் கீழ் ரூ.50.40 லட்சம் நிதி ஒதுக்கீடு செய்யப்பட்டது.
இதைத் தொடா்ந்து சாலை அமைக்கும் பணியை அவா் திங்கள்கிழமை தொடங்கிவைத்தாா். இந்நிகழ்ச்சிக்கு ஊராட்சித் தலைவி முத்தரசி தலைமை வகித்தாா். ஒன்றியக்குழு உறுப்பினா்கள் பொன்குமாா், பிலிப்ஸ் ஆகியோா் முன்னிலை வகித்தனா். நம்பிபத்து ஊா்த் தலைவா் ராஜகுரு, மாவட்ட மீனவா் அணி திமுக செயலா் எரிக்ஜூடு, ஊராட்சிச் செயலா் சுடலைக்கண்ணு, வள்ளியூா் ராதாகிருஷ்ணன் உள்ளிட்டோா் பங்கேற்றனா். ஒன்றிய ஆணையாளா் நடராஜன் வரவேற்றாா். ஊராட்சி ஆணையாளா் கண்ணன் நன்றி கூறினாா்.