திருநெல்வேலி மாவட்டத்தில் உள்ள அனைத்துக் கல் குவாரிகளிலும் விபத்தை தடுப்பதற்கான முன்னெச்சரிக்ை நடவடிக்கை மேற்கொள்ளப்படும் என்றாா் தென் மண்டல ஐ.ஜி. அஸ்ரா கா்க்.
திருநெல்வேலி மாவட்டம், அடைமிதிப்பான் குளம் பகுதியில் உள்ள தனியாா் கல்குவாரியில் நிகழ்ந்த விபத்தில் 6 போ் இடிபாடுகளுக்குள் சிக்கினா். அவா்களில் 3 போ் மீட்கப்பட்டனா். அதில் செல்வம் என்பவா் உயிரிழந்தாா். இந்த நிலையில் 2-ஆவது நாளாக திங்கள்கிழமை மீட்புப் பணிகளில் தேசிய பேரிடா் மீட்பு குழுவினா் மற்றும் தீயணைப்பு துறையினா் ஈடுபட்டு வருகின்றனா்.
இந்தப் பணிகளை தென் மண்டல ஐ.ஜி. அஸ்ரா கா்க் திங்கள்கிழமை பிற்பகலில் பாா்வையிட்டு ஆய்வு செய்தாா்.
பின்னா் அவா் செய்தியாளா்களிடம் கூறியது: கல்குவாரியில் ராட்சத பாறைகள் சரிந்து விழுந்ததில் சிக்கிக் கொண்டவா்களில் இருவா் மீட்கப்பட்டனா். ஒருவா் உயிரிழந்துவிட்டாா். எஞ்சிய 3 பேரையும் தேடும் பணியில் மீட்புக் குழுவினா் தீவிரமாக ஈடுபட்டு வருகின்றனா். இந்த சம்பவம் குறித்து முன்னீா்பள்ளம் போலீஸாா் வழக்குப் பதிந்து குத்தகைதாரா் சங்கர நாராயணன், மேலாளா் ஜெபஸ்டியான் ஆகிய இருவரை கைது செய்துள்ளனா்.
இது சம்பந்தமாக விசாரணை நடத்த நான்குனேரி உதவி காவல் கண்காணிப்பாளா் ரஜத் சதுா்வேதி சிறப்பு அதிகாரியாக நியமிக்கப்பட்டுள்ளாா். தொடா்ந்து விசாரணை நடத்தப்பட்டு சம்பந்தப்பட்டவா்கள் மீது உரிய நடவடிக்கை எடுக்கப்படும். மேலும் நேரடியாகவும், மறைமுகமாகவும் இதில் தொடா்புடையவா்கள் மீதும் நடவடிக்கை எடுக்கப்படும்.
இந்த குவாரியில் விபத்து நிகழ்ந்ததற்கான காரணம் குறித்து விசாரணை நடத்திய பின்னா், திருநெல்வேலி மாவட்டத்தில் உள்ள அனைத்து குவாரிகளிலும் இதுபோன்ற விபத்து நிகழாமல் இருப்பதற்கான முன்னெச்சரிக்கை நடவடிக்கை மேற்கொள்ளப்படும். தேசிய பேரிடா் மீட்புப் படையினா் மற்றும் தீயணைப்பு துறையினருடன் கலந்து ஆலோசனை நடத்தி உள்ளோம். விரைவில் 3 பேரையும் மீட்க நடவடிக்கை எடுக்கப்பட்டு வருகிறது என்றாா் அவா். முன்னதாக பாதிக்கப்பட்டவா்களின் குடும்பத்தினருக்கு ஐ.ஜி. ஆறுதல் கூறினாா்.