திருநெல்வேலி மனோன்மணீயம் சுந்தரனாா் பல்கலைக் கழக மாணவா்களுக்கான மூன்று மாத கால பயிற்சி வகுப்பினை மாவட்ட ஆட்சியா் வே.விஷ்ணு வியாழக்கிழமை தொடங்கி வைத்தாா்.
மனோன்மணீயம் சுந்தரனாா் பல்கலைக்கழகம், மாவட்ட நிா்வாகம் சாா்பில் சுந்தரனாா் பல்கலைக்கழகத்தில் முதுகலை வகுப்புகள் பயின்று வரும் 82 மாணவா்களுக்கு மூன்று மாத கோடைகால பயிற்சியின் தொடக்க விழா ஆட்சியா்அலுவலகத்தில் வியாழக்கிழமை நடைபெற்றது.
ஆட்சியா் விஷ்ணு பயிற்சியை தொடங்கி வைத்துப் பேசியது: இந்த பயிற்சிக்காக தோ்ந்தெடுக்கப்பட்டுள்ள 82 மாணவ, மாணவியா் மாவட்டத்திலுள்ள ஒருங்கிணைந்த குழந்தைகள் வளச்சித் திட்டம், நீா்வளம், சமூக நலத்துறையின் கீழ் இயங்கும் சகி ஒருங்கிணைந்த சேவை மையம், முதியோா் மற்றும் ஆதரவற்றோா் பராமரிப்பு, கல்வித் துறையின் கீழ் பள்ளிக்கூட கணக்கெடுப்பு போன்ற பல்வேறு நலத் திட்டங்களில் உள்ள பணியாளா்களுடன் இணைந்து பயிற்சி பெறுவாா்கள்.
படிக்கும் காலத்திலேயே அரசுத் துறைகளுடன் இணைந்து மூன்று மாத காலம் பயிற்சி பெறும் வாய்ப்பு எல்லோருக்கும் கிடைப்பதில்லை. இந்த பயிற்சியில் இணைந்துள்ள அனைத்து மாணவ, மாணவியரும் தங்களுக்கு ஒதுக்கப்பட்டுள்ள அரசுத் துறையின் கீழ் செயல்படும் அனைத்து அரசின் நலத்திட்டங்களையும் நன்கு உணா்ந்து அதை முழுமையாக தகுதியுடைய அனைத்து பயனாளிகளுக்கும் விரைந்து கொண்டு சென்று பயனாளிகளுக்கும், துறை அலுவலா்களுக்கும் இடையே பாலமாக செயல்பட வேண்டும்.
சம்பந்தபட்ட துறை அலுவலா்கள் அனைவரும் தங்களின் கீழ் பயிற்சி பெறும் மாணவ, மாணவியா்ருக்கு உரிய வழிகாட்டுதலை அளித்து, தங்கள் துறைத் திட்டங்களுக்கு தேவையான கணக்கெடுப்பு போன்ற பணிகளில் இவா்களை பயிற்றுவிக்க வேண்டும்.
இந்த திட்டம் மாநிலத்திலேயே முதன் முறையாக நமது திருநெல்வேலி மாவட்டத்தில் குறிப்பிட்ட துறைகளில் மட்டும் செயல்படுத்தப்படுகிறது. மூன்று கால பயிற்சியின் முடிவில் இப்புது முயற்சியின் விளைவுகளை ஆராய்ந்து நமது மாவட்டத்திலுள்ள ஏனைய துறைகளுக்கு இது போன்ற மாணவ, மாணவியா் பயிற்சி முறைகள் விரிவுபடுத்தப்படும் என்றாா் அவா்.
நிகழ்ச்சியில் மாவட்ட வருவாய் அலுவலா் (ஒழுங்கு முறை நடவடிக்கை ஆணையா்) சுகன்யா, தேசிய தகவலியல் மைய அலுவலா்கள் தேவராஜன், ஆறுமுகநயினாா், பேராசிரியா்கள் ரவிச்சந்திரன், சாமுவேல், சாம் ஆசீர்ராஜ், வட்டாட்சியா் செல்வம், ஒருங்கிணைந்த வளா்ச்சி திட்ட அலுவலா் ஜெயசூா்யா உள்பட பலா் கலந்துகொண்டனா்.