திருநெல்வேலி அருகேயுள்ள கங்கைகொண்டானில் சாலை பாதுகாப்பு விழிப்புணா்வு நிகழ்ச்சி நடைபெற்றது.
திருநெல்வேலி மாவட்டத்தில் சாலை விபத்துகளைத் தடுக்க பல்வேறு நடவடிக்கைகள் எடுக்கப்பட்டு வருகின்றன. இரு சக்கர வாகனங்களை இயக்குவா்களிடம் தலைக்கவசம் அணியவும், நான்குசக்கர வாகன ஓட்டுநா்களிடம் சீட் பெல்ட் அணியவும் விழிப்புணா்வு ஏற்படுத்தப்பட்டு வருகிறது.
கங்கைகொண்டான் சோதனை சாவடி பகுதியில் திங்கள்கிழமை நடைபெற்ற சாலை பாதுகாப்பு விழிப்புணா்வு நிகழ்ச்சிக்கு, வட்டார போக்குவரத்து அலுவலா் சந்திரசேகா் தலைமை வகித்தாா். மோட்டாா் வாகன ஆய்வாளா் பிரபாகரன் முன்னிலை வகித்தாா். இதில் கல்லுாரி மாணவா், மாணவிகள், பொதுமக்களிடம் சாலை பாதுகாப்பு விழிப்புணா்வு ஏற்படுத்தப்பட்டது.