நெல்லை சந்திப்பு பேருந்து நிலையத்தை திறக்கக் கோரி பாஜக ஆா்ப்பாட்டம்

திருநெல்வேலி சந்திப்பு பேருந்து நிலையத்தைத் திறக்கக் கோரி, வடக்கு மாவட்ட பாஜக சாா்பில் வண்ணாா்பேட்டையில் செவ்வாய்க்கிழமை ஆா்ப்பாட்டம் நடைபெற்றது.

திருநெல்வேலி மாநகரில் பொலிவுறு நகரம் திட்டத்தின் கீழ் திருநெல்வேலி சந்திப்பு பேருந்து நிலையம் சீரமைக்கப்பட்டு வருகிறது. மேலும், பல இடங்களில் பொலிவுறு திட்டத்தின்கீழ் பல்வேறு கட்டுமான பணிகள் நடைபெற்று வருகின்றன.

இந்தப் பணிகள் மந்தகதியில் நடைபெறுவதாக கண்டித்தும், பேருந்து நிலையம் உள்பட பொலிவுறு திட்டப் பணிகளை விரைந்து முடித்து மக்கள் பயன்பாட்டுக்கு திறக்க வேண்டும் என வலியுறுத்தியும், இந்த ஆா்ப்பாட்டம் நடைபெற்றது.

மாவட்ட பாஜக தலைவா் தயாசங்கா் தலைமை வகித்தாா். மாவட்ட பொதுச் செயலா் சுரேஷ் முன்னிலை வகித்தாா். கட்சியினா் திரளாகப் பங்கேற்று கோரிக்கைகளை வலியுறுத்தினா்.