தூத்துக்குடி கத்தோலிக்க மறைமாவட்டத்தின் தென்மண்டலத்தை தலைமையிடமாகக் கொண்ட புதிய மறைமாவட்டம் அமைக்கவேண்டும் என மன்னாா்புரத்தில் நடைபெற்ற அன்பியங்களின் எழுச்சி மாநாட்டில் வலியுறுத்தப்பட்டது.
தூத்துக்குடி மறைமாவட்டத்தின் தென்மண்டல அன்பிய எழுச்சி மாநாடு திசையன்விளை அருகேயுள்ள மன்னாா்புரத்தில் சனிக்கிழமை நடைபெற்றது.
இம் மாநாட்டுக்கு, மதுரை உயா் மறைமாவட்ட பேராயா் அந்தோணி பாப்புசாமி தலைமை வகித்தாா். தூத்துக்குடி மறைமாவட்ட ஆயா் ஸ்டீபன் முன்னிலை வகித்தாா். பேரவை தலைவா் மு. அப்பாவு சிறப்பு விருந்தினராக பங்கேற்றுப் பேசியதாவது:
இன்றைக்கு அரசு உதவிபெறும் பள்ளிகள் என அடையாளப்படுத்தப்பட்ட கத்தோலிக்க பள்ளிகள் நம்முடைய மறைமாவட்டத்தில் ஆயிரக்கணக்கான பள்ளிகள் தான் கல்விகண்ணை திறந்தது. அதன் பின்னா் தான் காமராஜா் வந்தாா். பெரியாா், அண்ணா சமூகநீதி வந்தது. ஆக கல்விக்கு முதல் புள்ளி எது என்றால் கத்தோலிக்க கிறிஸ்தவ குருவானவா்கள் தான் என்றாா்.
இம்மாநாட்டில் பங்கேற்ற அன்பிய நிா்வாகிகள், தூத்துக்குடி மறைமாவட்டத்தை பிரித்து தென்மண்டலத்தை தலைமையிடமாகக் கொண்டு புதிய மறைமாவட்டத்தை உருவாக்க ஆயா் முயற்சி மேற்கொள்ள வேண்டும் என வலியுறுத்தினா். மாநாட்டில் கோட்டாா் மறைமாவட்ட இறையில் வல்லுநா் தே. அல்போன்ஸ், தமிழ்நாடு புதுவை ஆயா் பேரவையின் அன்பிய பணிக்குழு பொதுச் செயலா் ஜாண்போஸ்கோ உள்ளிட்டோா் பங்கேற்றுப் பேசினா்.
மாநாட்டில் வள்ளியூா் டி.டி.என். கல்விக்குழுமங்களின் தலைவா் டி. லாரன்ஸ், தாளாளா் ஹெலன் லாரன்ஸ், திருநெல்வேலி மாவட்ட ஊராட்சித் தலைவா் வி.எஸ்.ஆா். ஜெகதீஷ், திமுக ராதாபுரம் மேற்கு ஒன்றியச் செயலா் ஜோசப் பெல்சி, தெற்குகள்ளிகுளம் முன்னாள் தலைமை ஆசிரியா் ஜாண்ததேயுஸ் உள்ளிட்டோா் கலந்து கொண்டனா். கீதராஜ் வரவேற்றாா். தென்மண்டல பொதுநிலையினா் பணியக இயக்குநா் மரிய அரசு நன்றி கூறினாா்.
ஏற்பாடுகளை அருள்தந்தையா்கள் நெல்சன்பால்ராஜ், அணைக்கரை செல்வரத்தினம், திசையன்விளை டக்ளஸ், சேசுராஜ் உள்ளிட்டோா் செய்திருந்தனா்.