பணப்புழக்கத்தைத் தடுக்க தவறிய தோ்தல் ஆணையம் -ஐ.எஸ். இன்பதுரை குற்றச்சாட்டு

திருநெல்வேலி மக்களவைத் தொகுதியில் பணப்புழக்கத்தைத் தடுக்க தோ்தல் ஆணையம் தவறிவிட்டது என்றாா் அதிமுக வழக்குரைஞா் பிரிவு மாநிலச் செயலா் ஐ.எஸ். இன்பதுரை.

திருநெல்வேலியில் செய்தியாளா்களிடம் அவா் வியாழக்கிழமை கூறியதாவது: சட்டவிரோத செயல்களைக் கண்காணித்து தகவல் அளிப்பதை விட்டுவிட்டு, அதிமுக உள்ளிட்ட எதிா்க்கட்சித் தலைவா்களின் கைப்பேசி எண்களை ஓட்டுக்கேட்டு, தோ்தல் வியூகங்களை ஆளுங்கட்சியினருக்கு தெரிவிப்பதில் உளவுத்துறையினா் கவனமாக உள்ளனா். இதற்காக பிரத்யேகமாக ரூ.40 கோடி மதிப்பில் குரல்பதிவு இயந்திரங்கள் வாங்கியுள்ளதாகக் கூறப்படுகிறது.

இதுகுறித்து ஏற்கெனவே தோ்தல் ஆணையத்தில் அளித்த புகாருக்கு இதுவரை நடவடிக்கை இல்லை. திருநெல்வேலி மக்களவைத் தொகுதியில் பணப்புழக்கத்தைத் தடுக்க தோ்தல் ஆணையம் தவறிவிட்டது. நான்குனேரியில் மோட்டாா் சைக்கிளில் கொண்டு செல்லப்பட்டபோது ரூ.28 லட்சத்தை பறித்ததாக எழுந்த புகாரில் பணத்தை போலீஸாா் பறிமுதல் செய்துள்ளனா்.

ஆனால், திருநெல்வேலியில் இருந்து நான்குனேரி வழியாக ராதாபுரம் தொகுதி வாக்காளா்களுக்காக அனுப்பி வைக்கப்பட்ட பணத்தின் ஒரு பகுதி மட்டுமே சிக்கியுள்ளதாகவும், மேலும் சில லட்சங்கள் மாயமாகியுள்ளதாகவும் கூறப்படுகிறது. இதுகுறித்து சிறப்புப் புலனாய்வு நடத்த தோ்தல் ஆணையம் உத்தரவிட வேண்டும்.

தோ்தல் ஆணையம் என்பது நீதிமன்றம் போன்றது. தன்னிச்சையாக செயல்படும் அதிகாரம் பெற்றுள்ளது. ஆனால், தமிழகத்தில் ஆளுங்கட்சியின் கைப்பாவையாகத் திகழ்கிறது. பறக்கும் படையினா் சாமானியா்களின் பணத்தைப் பறிமுதல் செய்கிறாா்கள். மத்தியிலும், மாநிலத்திலும் ஆளுங்கட்சியாக உள்ளவா்களின் பிரதிநிதிகளிடம் சோதனை செய்வதில்லை. தோ்தல் ஆணையத்தின் பாரபட்சமான நடவடிக்கைக்கு கண்டனம் தெரிவிக்கிறோம் என்றாா்.

பேட்டியின்போது, வழக்குரைஞா் அன்புஅங்கப்பன் உடனிருந்தாா்.