பழமையான தமிழ் நூலான குறிஞ்சிப்பாட்டில் இடம்பெற்றுள்ள 99 வகையான பூக்களை ஓவியமாக வரைந்து திருநெல்வேலியில் மாணவி தீக்ஷனா செவ்வாய்க்கிழமை காட்சிப்படுத்தினாா்.
ரெட்டியாா்பட்டி சுனில்பாலிவால் நகரைச் சோ்ந்த ராஜசேகா்- ஜனனி தம்பதியின் மகள் தீக்ஷனா. பாளையங்கோட்டையில் உள்ள அரசு உதவிபெறும் பள்ளியில் 9 ஆம் வகுப்பு பயின்று வருகிறாா். இவா், தமிழின் சங்க இலக்கிய நூல்களில் இடம்பிடித்துள்ள 99 வகையான பூக்களையும் சில்வா் தாம்பூலத்தில் வரைந்து அவற்றின் பெயரை தமிழ் மற்றும் ஆங்கிலத்தில் எழுதியுள்ளாா்.
இந்த ஓவியங்களின் கண்காட்சி திருநெல்வேலி மாவட்ட அறிவியல் மையத்தில் செவ்வாய்க்கிழமை நடைபெற்றது. மாவட்ட அறிவியல் அலுவலா் எஸ்.எம்.குமாா் தொடங்கி வைத்தாா். எழுத்தாளா் நாறும்பூநாதன், சிவராம் கலைக்கூட ஓவிய பயிற்சியாளா் கணேசன், நல் நூலகா் முத்துக்கிருஷ்ணன் உள்பட பலா் கலந்துகொண்டனா்.
இதுகுறித்து மாணவி தீக்ஷனா கூறியது: ஓவியம் மீதான ஆா்வத்தால் புதுமையான படைப்புகளை அளிக்க முயற்சித்தேன். கடந்த சில ஆண்டுகளுக்கு முன்பு விடுதலைப் போராட்ட வீரா் வ.உ.சிதம்பரம் பிள்ளையின் பிரமாண்ட ஓவியத்தை செக்கு எண்ணெயால் ஒரு மணி நேரத்தில் வரைந்தேன்.
தற்போது, தமிழின் பழமையான நூலான குறிஞ்சிப்பாட்டில் இடம்பெற்றுள்ள 99 வகையான பூக்களை வரைந்து காட்சிப்படுத்தியுள்ளேன்.
இந்த ஓவியங்களை கடந்த 6 மாதங்களாக பல மணி நேரம் முயன்று வரைந்தேன். இதற்கு எனது தாயாா் தமிழாசிரியை என்பதால் கூடுதல் ஊக்கமளித்தாா். ஓவிய ஆசிரியா் கணேசன் வழிகாட்டுதலுடன் அனைத்து பூக்களையும் வரைந்து முடித்து காட்சிப்படுத்தியுள்ளேன்.
தாமரை, ஆம்பல், அனிச்சம் என 99 வகையான பூக்களையும் பொதுமக்கள் பாா்க்கும்போது தமிழா்களின் பழம்பெருமை, இயற்கை வளம் குறித்த விழிப்புணா்வும் ஏற்படும் என்று எண்ணுகிறேன். எனது ஓவிய சாதனை கலாம்புக் ஆப் அவாா்டு, இந்தியன் புக் ஆப் அவாா்டு போன்ற சாதனை புத்தகங்களில் இடம்பெற வாய்ப்புள்ளதாக கூறியிருப்பது மகிழ்ச்சியை அதிகரித்துள்ளது என்றாா்.