வைகுந்த ஏகாதசி:  ஸ்ரீரங்கத்தில் நாளை பந்தக்கால்

ஸ்ரீரங்கம் அருள்மிகு அரங்கநாதர் திருக்கோயிலின் வைகுந்த ஏகாதசி விழாவுக்கான முகூர்த்தக்கால் நடும் விழா திங்கள்கிழமை  (அக்.23) நடைபெறவுள்ளது.
டிச. 18 தொடங்கி 2018 ஜன. 8 வரை நடைபெறவுள்ள வைகுந்த ஏகாதசி விழாவையொட்டி ஆயிரங்கால் மண்டபத்தில் பந்தல் அமைக்கும் பணிக்கான முகூர்த்தக்கால் நடும் விழா திங்கள்கிழமை காலை 9.15 மணிக்கு நடைபெறுகிறது. நிகழாண்டில் வைகுந்த ஏகாதசி விழா டிச. 18-ல் திருநெடுந்தாண்டகத்துடன் தொடங்கி பகல்பத்து விழா 19- ஆம் தேதியும், விழாவின் முக்கிய நிகழ்வான வைகுந்த ஏகாதசி சொர்க்கவாசல் திறப்பு டிச. 29-ஆம் தேதியும், மோகினி அலங்காரம் 28-ஆம் தேதியும் நடைபெறுகிறது.  ஏற்பாடுகளை கோயில் இணை ஆணையர்  பொன். ஜெயராமன், அறங்காவலர் குழுவினர் செய்கின்றனர்.