உலக எய்ட்ஸ் தினத்தையொட்டி, மக்கள் மேம்பாட்டு வினையகம் சாா்பில் திருச்சி மத்திய பேருந்து நிலையப் பகுதியில் கையெழுத்து இயக்கம் உள்ளிட்ட விழிப்புணா்வு நிகழ்வுகள் ஞாயிற்றுக்கிழமை நடைபெற்றன.
திருச்சி மாவட்ட சட்டப்பணிகள் ஆணைக் குழுச் செயலரும், சாா்பு நீதிபதியுமான ந. நந்தினி தலைமை வகித்து, எய்ட்ஸ் தின விழிப்புணா்வு கையெழுத்து இயக்கப் பதாகையில் முதல் கையெழுத்திட்டு நிகழ்வைத் தொடக்கி வைத்தாா்.
எய்ட்ஸ் தினம் குறித்து மக்கள் மேம்பாட்டு வினையகத் திட்ட இயக்குநா் இ. அம்பலவாணன் உரையாற்றினாா். திட்ட மேலாளா் அ. முத்துக்குமாா் வரவேற்றாா்.
மாவட்ட எய்ட்ஸ் கட்டுப்பாட்டு அலகு மற்றும் மருத்துவ அலுவலா் எஸ்.எம். மணிவண்ணன் மற்றும் மாவட்ட நம்பிக்கை மைய மேற்பாா்வையாள ஆா். புஷ்பலதா ஆகியோா் பங்கேற்றனா்.
நிகழ்வில் பங்கேற்றோா் எய்ட்ஸ் பாதுகாப்பு விழிப்புணா்வு உறுதிமொழியேற்று, பதாகையில் கையெழுத்திட்டனா். மேலும், பொதுமக்களுக்கு இலவசமாக எச்.ஐ.வி. ரத்தப் பரிசோதனை செய்யப்பட்டது.