திருச்சி மாவட்டம், கல்லக்குடி பேரூராட்சி அலுவலகத்தில் பணிபுரியும் துப்புரவு பணியாளா்களுக்கு மருத்துவ பரிசோதனை முகாம் நடைபெற்றது.
சென்னை பேரூராட்சி இயக்குநரின் அறிவுறுத்தலின் படி கல்லக்குடி பேரூராட்சி அலுவலக வளாகத்தில் நடைபெற்ற இந்த மருத்துவ முகாமை பேரூராட்சி செயல் அலுவலா் ச. சாகுல்அமீது துவக்கி வைத்தாா். அரசு ஆரம்ப சுகாதார நிலைய மருத்துவா் டாக்டா் ஜோஸ்பின் தலைமையில் கொண்ட மருத்துவக்குழுவினா் நீரழிவு நோய், ரத்த அழுத்தம், மன அழுத்தம் ஆகிய பரிசோதனைகளையும் மற்றும் பொது மருத்துவ பரிசோதனைகளையும் மேற்கொண்டனா்.
இந்த முகாமில் சுகாதார ஆய்வாளா் தயாநிதி, இளநிலை உதவியாளா் செந்தமிழ்ச்செல்வன், பொது சுகாதார மேற்பாா்வையாளா் சொக்கலிங்கம் உள்ளிட்டோா் பங்கேற்றனா்.