பெண்ணிடம் ரூ. 1.11 கோடி நிலமோசடி செய்த 4 பேர் மீது குற்றப்பிரிவு போலீஸார் வெள்ளிக்கிழமை வழக்குப் பதிவு செய்தனர்.
சென்னை குளத்தூரைச் சேர்ந்தவர் பிரேமா நாயகம் மகள் ஐஸ்வர்யாலட்சுமி(33). இவர்,திருச்சியில் உள்ள தனக்கு சொந்தமான 21,300 சதுர அடி நிலத்தை மதுரையைச் சேர்ந்த சுந்தரவடிவேல் பெயரில் கிரையம் செய்துள்ளார். அவர், தனது நண்பர்கள் சாய்சங்கர், குத்புதீன், சாவ்டி ஆகியோருடன் சேர்ந்து போலி ஆவணங்கள் தயார் செய்து பலரிடம் பணத்தை பெற்றுக் கொண்டு நிலத்தை விற்பனை செய்துள்ளார்.இதுகுறித்து ஐஸ்வர்யாலட்சுமி கொடுத்த புகாரின் பேரில் மாநகர குற்றப்பிரிவு போலீஸார் சுந்தரவடிவேல் உள்ளிட்ட 4 பேர் மீது வழக்குப் பதிவு செய்து விசாரணை நடத்தி வருகின்றனர்.