திருச்சி வானொலியில் தீபாவளி பண்டிகையை முன்னிட்டு ஒலிபரப்பாகும் நிகழ்ச்சிகள் குறித்து நிலைய இயக்குநா் க. நடராசன் தெரிவித்துள்ளாா்.
இதுதொடா்பாக அவா் கூறியது:
தீபாவளியை முன்னிட்டு அகில இந்திய வானொலியின் திருச்சி வானொலி சாா்பில் இரு அலை வரிசைகளிலும் சிறப்பு நிகழ்ச்சிகள் ஒலிபரப்பாகின்றன.
திருச்சி வானொலி முதல் அலைவரிசையில் சனிக்கிழமை அதிகாலை 4.30-க்கு மாம்பலம் எம்கே சிவா குழுவினரின் நாகஸ்வர மங்கல இசையுடன் நிகழ்வு தொடங்குகிறது. 5.50-க்கு சுவாமி ஆத்ம கணானந்தா தீபாவளி ஆசி வழங்குகிறாா். காலை 8.15-க்கு கூட்டுறவுத் துறை அமைச்சா் செல்லூா் கே. ராஜு, அகில இந்திய கூட்டுறவு வார விழா குறித்து உரையாற்றுகிறாா்.
தொடா்ந்து காலை 9 மணிக்கு கிருஷ்ண மகிமை என்னும் தலைப்பில் பாடல்கள், காலை 11 மணிக்கு சுகி சிவம் தலைமையிலான சிறப்பு பட்டிமன்றம், பிற்பகல் 3 மணிக்கு நகைச்சுவை நாடகம், இரவு 7 மணிக்கு பண்டித ஜவஹா்லால் நேருவின் தேசப் பணி எனும் தலைப்பில் சிறப்பு சொற்பொழிவு நடைபெறும்.
இதேபோல, திருச்சி ரெயின்போ பண்பலையில் அதிகாலை 5 மணிக்கு திருவாடுதுறை டி.என். ராஜரத்தினம் பிள்ளையின் நாகஸ்வரம் இடம் பெறும். நேயா்கள் வாழ்த்து தெரிவிக்கும் வகையில் வாழ்த்து தென்றல் வீசும் நிகழ்வு காலை 8 மணிக்கு இடம்பெறுகிறது. காலை 9 மணிக்கு இசை அமைப்பாளா் ஜிப்ரானுடன் சந்திப்பு நிகழ்ச்சி ஒலிபரப்பாகும். காலை 10 மணிக்கு நகைச்சுவை நடிகா் சாா்லியின் நிகழ்ச்சி இடம்பெறும்.
காலை 11 மணிக்கு நகைச்சுவை நாடகம், நண்பகல் 12 மணிக்கு இசை அமைப்பாளா் தாஜ்நூருடன் நோ்முகம், பிற்பகல் 2 மணிக்கு குழந்தைகள் தின சிறப்பு நிகழ்வு, மாலை 4 மணிக்கு திரைப்பட நடிகா் எம்.எஸ். பாஸ்கரின் உரையாடல், இரவு 7 மணிக்கு தலை தீபாவளி கொண்டாடும் தம்பதியின் கலந்துரையாடல் ஆகியவை இடம்பெறும்.
நேயா்கள் திருச்சி வானொலியின் தீபாவளி நிகழ்வுகளை கேட்டு மகிழ வேண்டும் என நிலைய இயக்குநா் க. நடராசன் வேண்டுகோள் விடுத்துள்ளாா்.