திருச்சி மகாத்மாகாந்தி நினைவு அரசு மருத்துவமனையில் கரோனா தொற்றால் பாதிக்கப்பட்டு சிகிச்சை பெற்றவா்களில் மேலும் 5 போ் வெள்ளிக்கிழமை மாலை அவரவா் வீடுகளுக்கு அனுப்பி வைக்கப்பட்டனா்.
திருச்சி, பெரம்பலூா், அரியலூா், புதுக்கோட்டை மாவட்டங்களைச் சோ்ந்தவா்களுக்கு கரோனா தொற்று உறுதி செய்யப்பட்டால் திருச்சி அரசு மருத்துவமனையில் உள்ள கரோனா வாா்டில் சோ்க்கப்பட்டு சிகிச்சையளிக்கப்பட்டு வருகிறது. இதுவரை, இந்த மாவட்டங்களில் இருந்து 125 போ் சிகிச்சைக்கு சோ்க்கப்பட்டுள்ளனா். இவா்களில், குணமடைந்த நபா்கள் உரிய ஆலோசனைகள் வழங்கப்பட்டு வீடுகளுக்கு அனுப்பப்படுகின்றனா். இதன்படி, வெள்ளிக்கிழமையும் 5 போ் வீட்டுக்கு அனுப்பப்பட்டனா். திருச்சி, அரியலூரைச் சோ்ந்த தலா ஒருவா், பெரம்பலூா் மாவட்டத்தைச் சோ்ந்த 3 போ் என மொத்தம் 5 பேருக்கும் டிஸ்சாா்ஜ் விவர அறிக்கைகளை மருத்துவமனை டீன் வனிதா வழங்கினாா். மருத்துவமனைக் கண்காணிப்பாளா் ஏகநாதன், அரசு மருத்துவக் கல்லூரி இணைப் பேராசிரியா் சதீஷ்குமாா் மற்றும் கரோனா வாா்டில் பணிபுரிந்த அனைவரும் வீடு திரும்பிய 5 பேருக்கும் வாழ்த்து தெரிவிக்கும் வகையில் கைகளை தட்டி உற்சாகப்படுத்தி வழியனுப்பினா்.
திருச்சி மருத்துவமனையிலிருந்து இதுவரை 94 போ் குணமடைந்து வீட்டுக்கு திரும்பியுள்ளனா். 31 போ் தொடா்ந்து சிகிச்சை பெற்று வருகின்றனா்.