பல்வேறு கோரிக்கைகளை வலியுறுத்தி திருவெறும்பூா் வட்டத்தில் 3 இடங்களில் மாற்றுத்திறனாளிகள் செவ்வாய்க்கிழமை ஆா்ப்பாட்டத்தில் ஈடுபட்டனா்.
தமிழ்நாடு அனைத்து வகை மாற்றுத் திறனாளிகள் மற்றும் பாதுகாப்போா் உரிமைச் சங்கம் சாா்பில் நடைபெற்ற ஆா்ப்பாட்டத்தில், மாற்றுத் திறனாளிகளுக்கு மாதாந்திர பாராமரிப்பு உதவித் தொகையாக ரூ. 3 ஆயிரமும், கடும் ஊனமுற்றோருக்கு ரூ.5 ஆயிரமும் வழங்க வேண்டும். தனியாா் துறைகளில் மாற்றுத்திறனாளிகளுக்கு குறைந்தபட்சம் 5 சதம் ஒதுக்குவதை உறுதிப்படுத்தும் வகையில் தமிழக அரசு சிறப்பு சட்டம் இயற்றி, அமலாக்க வேண்டும். அரசு துறை பின்னடைவுக் காலியிடங்களை மாற்றுத்திறனாளிகள் மூலம் பூா்த்தி செய்ய வேண்டும் என்பன உள்ளிட்ட கோரிக்கைகள் வலியுறுத்தப்பட்டன.
திருவெறும்பூா் விஏஓ அலுவலகம் முன் நடைபெற்ற ஆா்ப்பாட்டத்துக்கு கிளைத் தலைவா் கணேசன் தலைமை வகித்தாா். ஒன்றியத் துணைத் தலைவா் வெங்கடசுப்பிரமணி, ஒன்றியத் துணைச் செயலா் ஆராவமுதன் ஆகியோா் முன்னிலை வகித்தனா். மாவட்டத் தலைவா் குமாா், இந்திய கம்யூனிஸ்ட் மாவட்டக் குழு உறுப்பினா் பழனிசாமி ஆகியோா் கோரிக்கைகளை விளக்கினா்.
இதேபோல சோழமாதேவி ஊராட்சி அலுவலகம், கூத்தைப்பாா் பேரூராட்சி அலுவலகம் முன் நடைபெற்ற ஆா்ப்பாட்டத்தில் பலா் கலந்து கொண்டனா்.
துறையூரில்...
ஆா்ப்பாட்டத்துக்கு மாவட்டச் செயலா் ரவி தலைமை வகித்தாா். சங்க நிா்வாகிகள் முத்துகுமாா், ஆனந்தன், சிவகுமாா் உள்ளிட்டோா் முன்னிலை வகித்தனா்.
இதேபோல, உப்பிலியபுரம் ஒன்றியம் தளுகை ஊராட்சியில் சங்க ஒன்றியத் தலைவா் சிவகுமாா் தலைமையில் நடைபெற்ற ஆா்ப்பாட்டத்தில் நிா்வாகிகள் உதயராஜ், சுசேந்திரா முத்துக்குமாா் உள்ளிட்டோா் பங்கேற்றனா்.
முசிறியில்...
தொட்டியம் வட்டாட்சியரகம் முன் நடந்த ஆா்ப்பாட்டத்துக்கு ஒன்றியத் தலைவா் நமச்சிவாயம் தலைமை வகித்தாா்.