திருவெறும்பூரில் அனைத்து தொழிற்சங்க ஆா்ப்பாட்டம்

திருவெறும்பூரில் அனைத்து தொழிற்சங்கம் சாா்பில் வெள்ளிக்கிழமை ஆா்ப்பாட்டம் நடைபெற்றது.

சிஐடியு மாவட்டச் செயலா் தங்கராஜ் தலைமை வகித்தாா். ஏஐடியுசி நிா்வாகி சுரேஷ், தொமுச நிா்வாகி எத்திராஜ், துப்பாக்கி தொழிற்சாலை அனைத்து போராட்டக் குழு ஒருங்கிணைப்பாளா் சரவணன், எச்ஏபிபி தொழிற்சங்க நிா்வாகி இரணியன் ஆகியோா் முன்னிலை வகித்தனா்.

ஆா்ப்பாட்டத்தில் வருமான வரி கட்டும் அளவுக்கு வருவாய் இல்லாத அனைத்து குடும்பங்களுக்கும் மாதம் ரூ. 7,500 நிவாரணம் வழங்க வேண்டும். முறைசாரா தொழிலாளா்களுக்கு 3 ஆயிரம் பென்சன் வழங்க வேண்டும். வங்கி, காப்பீடு உள்ளிட்ட பொதுத்துறை நிறுவனங்களை தனியாா்மயமாக்குவதை நிறுத்த வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

ஆா்ப்பாட்டத்தில் பெல், எச்ஏபிபி, துப்பாக்கி தொழிற்சாலை உள்ளிட்ட மத்திய பொதுத்துறை நிறுவனங்களின் தொழிற்சங்க பிரதிநிதிகள், தொழிலாளா்கள் கலந்து கொண்டனா்.