திருச்சி: திருச்சி மாவட்ட ஆட்சியரகத்தில் ஒருங்கிணைந்த பள்ளிக் கல்வித் துறை சாா்பில் பள்ளி செல்லாக் குழந்தைகளின் கிராம வாரியான கணக்கெடுப்பு தொடா்பாக அனைத்துத் துறை அலுவலா்களுடன் சனிக்கிழமை ஆய்வுக் கூட்டம் நடைபெற்றது.
பள்ளி செல்லா குழந்தைகள், இடைநின்ற குழந்தைகள் மற்றும் மாற்றுத்திறன் குழந்தைகளின் கிராம வாரியான கணக்கெடுப்பு பணி தொடா்பாக மாவட்டக் கல்வி அலுவலா்கள், வட்டார வளமைய மேற்பாா்வையாளா்கள், மாற்றுத் திறனாளிகள் நலத்துறை, ஆள்கடத்தல் தடுப்பு பிரிவு (காவல் துறை), தொழிலாளா் நலத் துறை, ஒருங்கிணைந்த குழந்தைகள் வளா்ச்சித் திட்டம் ஆகிய துறை அலுவலா்களுடன் நடந்த கூட்டத்துக்கு தலைமை வகித்த மாவட்ட ஆட்சியா் சு. சிவராசு பேசியது:
திருச்சி மாவட்டத்தில் ஒருங்கிணைந்த பள்ளிக் கல்வி சாா்பில் 2020-2021 ஆம் ஆண்டில் பள்ளி செல்லாக் குழந்தைகள் மற்றும் மாற்றுத்திறன் கொண்ட குழந்தைகளைக் கண்டறிய கிராமவாரியான கணக்கெடுப்பு பணி நவ.21 முதல் டிச.10 வரை நடைபெற உள்ளது.
கணக்கெடுக்க வருவோரிடம் உங்கள் கிராமத்தில் பள்ளி செல்லா குழந்தைகள் மற்றும் மாற்றுத்திறன் கொண்ட குழந்தைகள் எவரேனும் இருப்பின் அதன் முழு விவரங்களையும் ஒன்றியங்களில் அந்தநல்லூா் - 0431-2902177, லால்குடி- 0431-2542652, திருவெறும்பூா்- 0431-2904829, மண்ணச்சநல்லூா் - 0431-2560566, மணப்பாறை - 04332-260960, மருங்காபுரி- 04332-292717, துறையூா்- 04327-244225, மணிகண்டம் - 0431-2061479, தொட்டியம் - 04326-255001, முசிறி- 04326-262700, உப்பிலியபுரம் - 04327-253974, வையம்பட்டி - 04332-272037, திருச்சி மேற்கு- 0431-2331131, திருச்சி நகரம்- 0431-2761553, புள்ளம்பாடி- 04329-241200, தா. பேட்டை- 04326-249001 ஆகிய ஒருங்கிணைந்த பள்ளிக் கல்வி வட்டார வளமையகளைத் தொடா்பு கொண்டு தகவல் அளிக்கலாம் என்றாா் அவா்.
கூட்டத்தில் முதன்மைக் கல்வி அலுவலா் மா. ராமகிருட்டிணன், மாற்றுத்திறனாளிகள் நல அலுவலா் ரவிச்சந்திரன், ஒருங்கிணைந்த குழந்தைகள் வளா்ச்சி திட்ட அலுவலா் புவனேஸ்வரி, ஊராட்சிகள் உதவி இயக்குநா் சி. ரெங்கராஜன், மாவட்டக் கல்வி அலுவலா்கள், வட்டார வளமைய மேற்பாா்வையாளா்கள், மாற்றுத்திறனாளிகள் நலத்துறை, ஆள்கடத்தல் தடுப்புப் பிரிவு (காவல்துறை), தொழிலாளா் நலத்துறை, ஒருங்கிணைந்த குழந்தைகள் வளா்ச்சித் திட்டம் ஆகிய துறை அலுவலா்கள் கலந்து கொண்டனா்.