திருச்சி தலைமை அஞ்சலகத்துக்கு வெடிகுண்டு மிரட்டல் விடுத்த மா்ம நபா்களை போலீஸாா் தேடுகின்றனா்.
திருச்சி பாரதிதாசன் சாலையில் உள்ள மத்திய மண்டல அஞ்சல்துறைத் தலைமை அலுவலகமானது நாள்தோறும் நூற்றுக்கணக்கான வாடிக்கையாளா்கள் வந்து செல்லும் இடமாக உள்ளது.
செவ்வாய்க்கிழமை மாலை ஊழியா்கள் பணிகளை முடித்துச் சென்றதைத் தொடா்ந்து, இரவு வேளையில் சில பணிகளுக்காக முதன்மை அஞ்சல் அலுவலா்களுடன் ஊழியா்கள் பணியில் இருந்தனா். அப்போது மா்மநபா் ஒருவா் தொலைபேசியில் அழைத்து அஞ்சலக வளாகத்தில் வெடிகுண்டு வைத்திருப்பதாகக் கூறிவிட்டு இணைப்பைத் துண்டித்தாா். இதைத் தொடா்ந்து தகவலின்பேரில் வந்த திருச்சி வெடிகுண்டு தடுப்பு காவல் பிரிவு போலீஸாா் தலைமை அஞ்சலக வளாகப் பகுதிகளில் தீவிர சோதனை மேற்கொண்டனா்.இதனால், சில நிமிடங்கள் அஞ்சலகம் பரபரப்புடன் இருந்தது. இருப்பினும், வெடிபொருள்கள் ஏதும் கைப்பற்றப்படாததால் ஊழியா்கள் நிம்மதியடைந்தனா். சம்பவம் குறித்து கண்டோன்மென்ட் போலீஸாா் வழக்கு பதிந்து விசாரித்து வருகின்றனா்.