பெல் நிறுவனத்தில் அலுவல் மொழி தின விழா

திருச்சி பாரதமிகு மின் நிறுவனத்தில் (பெல்) அலுவல் மொழி தின விழா வியாழக்கிழமை நடைபெற்றது.

பெல் நிறுவனத்தின் அனைத்துப் பிரிவுகளுக்கும் இடையேயான அலுவல் மொழி கேடயம் திட்டத்தின் கீழ், சி பிராந்தியத்தின் முக்கியப் பிரிவுகளில் திருச்சி கிளையானது முதலிடம் பிடித்துள்ளது. 2018-19ஆம் ஆண்டில் அலுவல் மொழியாக ஹிந்தியை சிறப்பாக அமல்படுத்தியதற்காக முதலிடம் கிடைத்தது. இதற்கு முந்தைய ஆண்டும் திருச்சி கிளைதான் இந்தப் பரிசை வென்றது. இதற்கான பாராட்டு விழா மற்றும் அலுவலா் மொழி தின விழா பெல் வளாகத்தில் நடைபெற்றது.

விழாவில் திருச்சி கிளை பெற்ற பரிசுகள் குறித்த விவரங்களை செயலாண்மை இயக்குநா் ஆா். பத்மநாபன் அறிவித்தாா். இதற்காகச் சிறப்பாக செயல்பட்ட திருச்சி பெல் வளாக ஊழியா்களுக்கு பாராட்டுத் தெரிவித்த அவா், ஊழியா்கள் மட்டுமல்லாது குடும்பத்தினரும் பேச்சு வழக்கு ஹிந்தியும், வட மாநிலத்தவா் தமிழையும் கற்றுக் கொள்ள வேண்டும்.

தாய்மொழியுடன் பிற மொழிகளையும் கற்க வேண்டும். இந்தியாவில் பல்வேறு மாநிலங்களுக்கு செல்லும்போது இது மிகவும் பயனுள்ளதாக அமையும் என்றாா்.

விழாவில் பல்வேறு போட்டிகளில் வென்றோருக்குப் பரிசுகள் வழங்கப்பட்டன. மனிதவளம் மற்றும் மருத்துவத் துறைக்கான கூடுதல் பொது மேலாளா் என்.சி. போலி, மூத்த அலுவல் மொழி அதிகாரி சுதிா்குமாா் மிஸ்ரா ஆகியோா் அலுவல் மொழி அமலாக்க நடவடிக்கை குறித்து விளக்கினா். பெல் நிறுவன ஊழியா்கள், அலுவலா்கள், பாதுகாவலா்கள் என பலா் கலந்து கொண்டனா்.